Goðasteinn - 01.09.1963, Blaðsíða 68

og grafnar svo að ekki ber á milli, bogadregnar til beggja enda,
og er neðri boginn umfram venju á seinni tíma hringjum. Stærð
þeirra er 9,3x7,1 sm. Hringjubogarnir eru laglega skreyttir en
nokkuð máðir af sliti. Þornin eru úr eir, svo sem algengt er. Ann-
ars vegar við þolinmóð er letrað: ANNO, hins vegar: 1754. Á
hliðar er letrað: ÞORKIELL ÞORGRÍMSSON. Engum getum
skal að því leitt, hver sá Þorkell Þorgrímsson hefur verið Nokkuð
lahgsótt virðist að leita til Þorkels sonar Þorgríms Sigurðssonar
sýslumanns í Hjarðarholti, d. 1769, þótt gripir gætu borizt milli
byggða á fyrri tímum ekki síður en nú. Ég hef aðeins leitað að
nafni Þorkels í sunnlenzkum manntölum og bændatölum frá miðri
18. öld, en ekki komið auga á það.
Um íslenzkar gjarðahringjur, smíði þeirra og sögu, mætti skrifa
mun lengra mál en hér hefur verið gert. Það er efni í langa rit-
gerð eða heila bók. Mikið af efnivið hennar er að finna í söfnum,
annað aðeins í minni manna.
Byggðasafninu í Skógum er sæmdarauki að því að eiga hringjur
Þorkels, og ekki hefur það þegið margar gjafir betri en frú Mál-
fríður á Bjalla vék því haustið 1962.
66
Goðasteinn