Goðasteinn - 01.09.1963, Side 41

þarna niður, en gæta verður fullrar varúðar sakir lausagrjóts.
Síðan liggur leiðin eftir slakka einum eða skarði og upp á höfða
þann, er Morinsheiði heitir. Þar efra er alveg slétt sem á fjala-
gólfi og greiðfær leið til norðurs og síðan niður af fjallinu við
svokallað Heiðarhorn. Eftir það er gengið með Strákagili austan
megin og niður á sléttlendið við Krossá.
Gróðursæld er mikil á Goðalandi, þegar niður kemur í hlíð-
arnar. Er þar graslendi gott, fjölskrúðugur blómagróður, og alls
konar lyng, víðir, einir og birki. Af öllu bera þó Básar, en svo
heita nokkrir hvammar og gilskorningar sunnan Krossár, þar sem
við komum niður. Skiptast þar á sléttar grundir, kjarri vaxnir ásar,
niðandi fjallalækir og ilmandi birkiskógar. Að koma úr svalanum
og auðninni í jökulheimum hálendisins niður í þessa jarðnesku
paradís er eins og að verða vitni að kraftaverki og verður ekki
með orðum lýst.
Við leiðangursmenn urðum alls hugar fegnir, þegar við sáum
bifreið Baldvins á aurunum við Krossá. Brátt kom Baldvin gang-
andi til móts við okkur og hafði hann beðið þarna alllengi.
Höfðum við verið nokkuð lengur en við þurftum á leiðinni, því
að margt var að athuga. En gera má ráð fyrir, að það sé tveggja
og hálfs til þriggja tíma gangur frá skálanum á Fimmvörðuhálsi
í Skagfjörðsskála í Langadal. Við settumst upp í bílinn og ókum
yfir Krossá. Lítið var í ánni, og á hún að jafnaði ekki að vera
nein fyrirstaða gangandi mönnum, ef varúðar er gætt.
Við áðum drjúga stund á grundinni fyrir framan hið myndar-
lega sæluhús Ferðafélagsins í Langadal og neyttum nestisins, sem
við höfðum fengið að heiman með bílnum. Gott var að vera
kominn niður á láglendið og flatmaga þar í veðurblíðunni eftir
kuldagjóstinn á leiðinni yfir Fimmvörðuháls, sem liggur í hartnær
noo metra hæð yfir sjó. Brátt komu verðirnir í skálanum til
fundar við okkur, tveir röskleikamenn, þeir Jón Böðvarsson og
Finnur Hjörleifsson. Buðu þeir okkur til stofu og veittu ilmandi
kaffi af miklum höfðingsskap.
Að áliðnum degi héldum við af stað heim á leið. Á ný ókum
yið yfir Krossá og síðan sem leið liggur út aurana meðfram
Markarfljóti. Við töfðum góða stund hjá jökullóni einu merki-
Goðasteinn
59