Árbók Hins íslenzka fornleifafélags - 01.01.1965, Page 49

KUML ÚR HEIÐNUM SIÐ
53
hlaupi, með holtagróðri og uppblástursflögum. Á einum stað sér
litla grjóthrúgu, og þar fundust mannabein fyrir tilviljun fyrir
10—15 árum, brot úr höfuðskel og fleiri bein, en engir hlutir eða
neitt, sem til slíks benti, ekki heldur hrossbein. Eitthvað var grafið
á staðnum, en ekki mikið, og síðan hefur ekki verið við honum
rótað. Kári Þorsteinsson, sem hér var bóndi til skamms tíma, en
nú er látinn, vildi ekki láta hreyfa við þessum stað og hafði jafn-
vel trú á, að hinn forni maður væri búi og fénaði til heilla. Ekki
virðist heldur brýn ástæða til þess að grafa staðinn upp, því að
hvort tveggja er, að ekki varð vart neinna hluta, þegar beinin
fundust, enda ætlar Þórður Kárason sér að halda hlífiskildi yfir
staðnum og minjunum, meðan hann er í Hólum, á sama hátt og
faðir hans gerði.
Staður þessi er mjög eðlilegt kumlstæði frá Hólum, og vel mætti
vera, að fleiri fornmannagrafir væru þarna á holtinu.
13. Syðra-Krossanes, (áður) Glæsibæjarhreppur, Eyjafjarðarsýsla.
30. 3. 1963.
Árið 1963 rannsakaði Gísli Gestsson leifar af fornum grafreit í
Syðra-Krossanesi 1 Eyjafirði. Um fund þennan vísast til greinar
Gísla hér á eftir, bls. 74—77.
Gullbrekka, Saurbœjai'hreppur, Eyjafjaröarsýsla.
16. 6. 1957.
1 júníbyrjun 1957 var Sigurjón Kristjánsson frá Brautarhóli í Svaríaðardal
1 vegavinnu fyrir neSan bæinn á Gullbrekku i Eyjafirði. Hann hallaði sér
eftir mat upp við tvær grænar þúfur fast neðan við veginn, sunnan i gamalli
skriðu. Varð þá eitthvað hart undir höfði hans, og þegar hann þreifaði eftir,
fann hann, að þetta var neðri kjálki úr manni. Lá hann þar ofan á annarri
búfunni, vafinn grasi. Hafði að því er virtist legið þarna nokkur ár. — Hinn 10.
JUní fór ég með Sigurjóni á þennan stað. Við hreyfðum þúfurnar, en þar voru
synilega engin mannaverk. Kjálkinn hlýtur að vera aðkominn þarna, enda ekk-
ert eðlilegt kumlstæði í næstu grennd. Ég gizka á, að kjálkinn hafi borizt með
°faníburði, verið gripinn úr mölinni og lagður þarna á þúfuna. Malargryfjur
eru á bökkum skammt frá staðnum, og þar gæti verið eðlilegt kumlstæði. Ég
trúað, að þaðan hefði kjálkinn borizt, en nú var þar reyndar ekkert að
síá, sem benti til kumla.
1U. Þverá, Hálshreppur, Suður-Þingeyjarsýsla,.
Um mannabeinafund á Þverá í Dalsmynni hefur Þorkell Gríms-
s°n safnvörður gert svohljóðandi skýrslu: