Réttur - 01.01.1961, Síða 8

EINAR OLGEIRSSON:
Þjóðfylkingar er þörf
Útvarpsumrœða, flutt við umrceður um vantraust á
ríkisstjórnina 14■ marz 1961.
(Ræðan er lítið eitt stytt, bein svör og ádeilur út af
ummælum annarra felld niður).
Það skortir ekki blíðmælgina hjá hæstvirtum ráðherrum,
þegar þeir tala frammi fyrir þjóðinni.
En því harðvítugri eru verk þeirra gagnvart almenningi
í landinu.
Það á ekki sízt við þá háttvirtu ráðherra, sem fyrst og
fremst hafa með viðskipta- og fjármál að gera.
Með siðfágaðri, silkimjúkri rödd fullvissa þessir herrar
íslenzka launþega um hvílíka umhyggju þeir beri fyrir vel-
ferð þeirra — og læða um leið löngum fingrum kaupráns-
og gengislækkunarlaganna í vasa hvers láglaunamanns
og stela af honum 1000 kr. á mánuði hverjum. Með 'hátíð-
legum prófessorshreim í röddinni fullvissa þeir landslýð-
inn um það sem algildan sannleika að „þjóðin hafi lifað
um efni fram“ — og þeir fátæku verði því að spara, svo
þeir ríku geti grætt.
Á þessum grundvallarósannindum — að þjóðin hafi lifað
yfir efni fram, — byggist allt hrófatildur efnahagsstefnu
ríkisstjórnarinnar.
Ég spyr: Hvemig getur sú þjóð lifað yfir efni fram,
sem leggur árlega þriðjimg allra tekna sinna til hliðar
til fjárfestingar, — og fær aðeins einn tíunda hluta
fjárfestingarinnar að láni erlendis frá.