Andvari - 01.01.1978, Page 103

ANDVARI bessastaðaprentsmiðja og blaðaútgáfa skúla thoroddsens
101
var látinn enda 31. október 1887, og
annar árgangur hefst 15. nóvember
1887.
Prentfélag ísfirðinga var útgefandi að
þrern fyrstu árgöngum Þjóðviljans, enda
var aðaltilgangur félagsins að halda úti
blaði.
Skúli taldi hyggilegast að segja sig
úr stjórn Prentfélags ísfirðinga vegna
erfiðleikanna á að fá prentsmiðjuleyfið,
sem fyrr var um getið. Hann minnist á
þetta í bréfi til Jóns Jenssonar frá 24.
marz 1887: ,,Eg er fyrir löngu kominn
úr prentsmiðjustjórninni og hef nomi-
nelt engin afskipti af prentsmiðjunni.
Hins vegar er ekki loku fyrir það skotið,
að ég geti komið grein og grein, ef and-
inn svo blæs mér í brjóst. En mig nappa
þeir háu herrar eigi.“4)
1 19. tbl. 1. árg. Þjóðviljans, 13. júlí
1887, birtist eftirfarandi frétt: ,,Prent-
félagsfundur. Á fundi Prentfélags ísfirð-
inga í f. m. voru kosnir endurskoðunar-
menn reikninganna: Óli F. Ásmundsson
verzlunarstjóri og Skúli Thoroddsen
sýslumaður." Á aðalfundi prentfélags-
ins, sem haldinn var 1. september 1887,
voru Sigfús H. Bjarnason konsúll, séra
Sigurður Stefánsson og Þorvaldur Jóns-
son prófastur kosnir í stjórn, en Skúli
var^ kosinn endurskoðandi.3)
Árið 1888 var engin stjórn kosin, þar
sem aðalfundurinn var eigi löglegur.0)
í 23. tbl. 2. árg. Þjóðviljans, 26. júní
1888, setur Þorvaldur Jónsson prófastur
auglýsingu í Þjóðviljann, þar sem hann
lýsir því yfir, að hann hafi sagt sig
algjörlega úr stjórn prentfélagsins þegar
við byrjun 2. árgangs Þjóðviljans. Hafði
hann orðið þess var, að sumir töldu
hann enn í stjórn prentfélagsins.
Eins og fyrr getur, var prentsmiðjan
leigð Jakobi í Ögri hinn 16. september
1889, Jakob var jafnframt skuldbund-
inn til að sjá um, að haldið yrði áfram
útgáfu Þjóðviljans, og samdi hann við
„nokkra ísfirðinga" um, að þeir sæju
um útgáfu blaðsins. Vafalaust má telja,
að „nokkrir Isfirðingar" séu þeir Skúli
og Sigurður Stefánsson.
Eitt tölublað, hið 29. í 5. árg. 1891,
3. ágúst, var prentað á Akureyri í Prent-
smiðju Björns Jónssonar. í töiublaði
þessu eru þeir Skúli og Sigurður taldir
útgefendur. Skúli hafði í upphafi ætlað
að prenta blaðið í Reykjavík yfir þing-
tímann, en eigi fengið það prentað í
Reykjavíkurprentsmiðjum. Minnast út-
gefendur Þjóðviljans á þetta í blaðinu:
„en - prentsmiðjunum í Vík var lokað,
enda þótt full tök væru á því fyrir þær
að prenta blað vort“.7)
Þar sem leigutími Jakobs í Ögri gilti
aðeins í tvö ár, þ. e. til 16. september
1891, leigði Skúli Gunnari Halldórssyni
í Skálavík prentsmiðjuna 12. septem-
ber í 2 til 3 ár. Þetta var á valdi Skúla,
sem var skiptaráðandi þrotabús prent-
félagsins, sem fyrr segir.
Blaðið breytti um nafn, þegar Gunnar
Halldórsson tók við prentsmiðjunni, og
kallaðist Þjóðviljinn ungi, og er 1. tölu-
blað 1. árgangs prentað 15. september
1891. Þar segir meðal annars: „í blað
þetta munu einkanlega rita alþingis-
mennirnir Skúli Thoroddsen og Sigurð-
ur Stefánsson í Vigur, er einnig áttu
flesta stafina í blaðinu „Þjóðviljinn",
sem nú er undir lok liðið.
Alþingismennirnir séra Jens Pálsson
á Utskálum, séra Ólafur Ólafsson í Gutt-
ormshaga, séra Sigurður Gunnarsson á
Valþjófsstað o. fl. hafa einnig haft góð
orð um, að rita greinar um landsmál í
blað vort við og við.
Að endingu skal þess getið, að þetta
nýja blað „Þjóðviljinn ungi“ er eign
„nokkurra ísfirðinga", en á ekkert skylt