Andvari - 01.01.1978, Síða 104

102
ÁKI GÍSLASON
ANDVAKI
við „Prentfélag ísfirðinga“ eður þess
kögursveina.
Um ábyrgðarmennsku blaðsins verður
hagað eins og um ábyrgðarmennsku
„Þjóðviljans", og má hver segja þar um
það sem hann lystir."
Fyrsti árgangur Þjóðviljans unga var
31 tölublað, annar árgangur 30 tölu-
blöð, þriðji, fjórði, fimmti og sjötti 40
tölubiöð hver, sjöundi 48 tölublöð og
áttundi árgangur 60 tölublöð. Brot
Þjóðviljans unga var hið sama og Þjóð-
viljinn hafði haft.
Haustið 1892 kom hraðpressa, eins
og áður getur, og var hún kölluð eftir
blaðinu Prentsmiðja Þjóðviljans unga.
Fyrsta tölublaðið í nýju prentsmiðjunni
var 30. tbl. 1. árg., 14. sept. 1892. 1.
tbl. 2. árg. Þjóðviljans unga kom út
20. október. I því tölublaði tilkynnti
Skúli, að hann frá 14. október 1892
hafi tekið að sér ritstjórn og ábyrgð
Þjóðviljans unga eftir ósk útgefanda,
og hinn 30. nóvember sama ár er til-
kynning frá honum í Þjóðviljanum
unga um, að hann sé orðinn eigandi
blaðsins samkvæmt afsali frá útgefend-
um, dagsettu 19. sama mánaðar.
Sumarið 1893 var Þjóðviljinn ungi
prentaður um tíma í Reykjavík. í 17.
tbl. 2. árg. 1893, er var prentað 15.
júní, birtist eftirfarandi tilkynning:
„Búferlum ætlar „Þjóðv. ungi“ að
flytja sig, og er áformað, að blaðið komi
út í Reykjavík í sumar um þingtímann,
svo að það geti flutt sem glöggastar
freknir frá alþingi. Kemur blaðið að lík-
. indum út í hverri viku þenna tímann.“
Var síðan 18. til 29. tölublað prentað í
Reykjavík, að báðum tölublöðum með-
töldum. Var blaðið prentað í Félags-
prentsmiðjunni.
Áttundi árgangur Þjóðviljans unga
hefst 13. september 1898 með 1.-2.
tölublaði. Er blaðið í stækkuðu broti, og
var bæði Þjóðviljinn ungi og Þjóðviljinn
í því broti alla tíð síðan. En Skúli fékk
nýja hraðpressu 1897, eins og fyrr get-
ur. í árslok 1899 breytir Þjóðviljinn
ungi um nafn og kallast aftur Þjóðvilj-
inn. Er 1.-2. tölublað Þjóðviljans
prentað 30. desember 1899, og var ár-
gangurinn 52 tölublöð, og var síðasta
tölublaðið prentað 12. janúar 1901.
Skúli áleit rétt að telja það 14. árgang,
því að 5 árgangar voru gefnir út af upp-
runalega Þjóðviljanum og 8 árgangar af
Þjóðviljanum unga.
Árið 1901 þegar prentsmiðja Þjóð-
viljans fluttist frá ísafirði til Bessastaða,
komu út 52 tölublöð af Þjóðviljanum,
15. árg. Fyrstu 26 tölublöðin komu út
á ísafirði. 25.-26. tbl. kom út 1. júní.
Hinn 11. júlí kom fyrsta blað, 27.-28.
tbl., út á Bessastöðum. Er flutninganna
ekki getið sérstaklega í blaðinu. Aðeins
er smá klausa, þar sem lesendur blaðs-
ins eru beðnir fyrirgefningar á því, að
útgáfa blaðsins hafi tafizt vegna flutn-
ings prentsmiðjunnar til Bessastaða.
Fyrstu árin á Bessastöðum voru tölu-
blöðin 52 á ári, en árið 1906 var þeim
fjölgað upp í 60, og hélzt sá tölublaða-
fjöldi einnig 1907. Árið 1908 voru
prentuð 44 tölublöð á Bessastöðum, áð-
ur en prentsmiðjan var flutt til Reykja-
víkur, en þar voru síðan prentuð 16
tölublöð það sama ár. Hvert tölublað
var 4 síður, en 8 síður, þegar tölublöðin
voru tvínúmeruð.
Skúli var bæði ritstjóri og eigandi
Þjóðviljans, en á þeim tíma var algengt,
að eigandi væri jafnframt ritstjóri. Ár-
ið 1908 voru tveir aðrir menn skráðir
ritstjórar Þjóðviljans ásamt Skúla. Það
voru þeir Bjarni Jónsson frá Vogi og
Sigurður Lýðsson laganemi. Skúli hafði
verið kosinn í samninganefnd þá, sem