Menntamál - 01.12.1963, Side 62

148
MENNTAMÁL
Við Friðbjörn Benónísson erum vissulega sammála um
það, að kennarastéttin verður að takast alvarlega á við vand-
ann. Hann miklar fyrir sér hættu þá, sem stétt okkar stafar
af réttindalausum kennurum í starfi. Við skulum þó minn-
ast þess, að þeir eru albúnir að rísa úr sætum fyrir hinum,
hvenær sem þeir krefjast réttar síns.
Hins vegar væri mikil Jiætta á ferðurn og full ástæða til
að hafa áhyggjur, ef þessir menn reyndust hættulegir þeim
ungmennum, sem þeim er trúað fyrir eða þeir væru lítt
nýtir við störf sín. En hvorugu hefur verið á lofti haldið,
svo að ég viti.
Rætur meinsins, tregða manna að takast á hendur kennslu
ungmenna, liggja miklu dýpra. Það er ekki vandamál kenn-
arastéttarinnar, heldur þjóðfélagsvandamál, rniklu alvar-
legra mál en umræður okkar F. B. snúast um þessa stund-
ina. Þetta mun hann vita eins vel og ég. En hér er ekki
tækifæri til að fara lrekar út í það. Rammi þessarar rit-
gerðar hefur ekki rúm til þess.
Sandi í maí 1963.
Þórgnýr Guðmunclsson.