Menntamál - 01.12.1963, Blaðsíða 130

216 MENNTAMÁL
Á kvöldin voru haldnar kvöldvökur, og komu fram á þeim margir
snjallir ræðumenn og ágætir listamenn.
Þátttakendur fóru í ferðalag einn daginn um Mývatnssveit, til
Dettifoss og Ásbyrgis, Tjörness og Húsavíkur.
Menntamálaráðherra, dr. Gylli Þ. Gíslason, bauð iillum þátttak-
endum til liádegisverðar á Akureyri í lok mótsins. Á Eyfirðingavöku
að kvöldi sama dags flutti Þórarinn Björnsson skólameistari mjög at-
hyglisvert erindi um vanda og vegsemd kennarans.
Þessir aðilar veittu mótiiiu fjárhagslegan stuðning: menntamálaráð-
herra, fræðslumálastjóri, bæjarstjórn Akureyrar, bæjarstjórn Húsa-
víkur, Kaupfélag Þingeyinga og Kaupfélag Eyfirðinga. Stjórn Skóla-
stjórafélags íslands flytur öllum þessum aðilum innilegustu þakkir
fyrir veittan stuðning, svo og öllum hinum fjölmörgu einstakling-
um, sem veittu félaginu aðstoð og hjálp í sambandi við mótið og
gerðu því kleift að halda það.
Þetta fyrsta fræðslu- og kynningarmót skólastjóra var fjölsótt og
fór hið bezta fram.
Mótsstaðurinn Laugaskúli reyndist hinn ákjósanlegasti, og viður-
gerningur og móttökur allar með miklum myndarbrag. Hótelstjóri
að Laugum er Óskar Ágústsson kennari.
Aðalfundur
Skólastjórafélags íslands var haldinn að Laugum 17. ágúst. Mikili
áhugi ríkti á fundinum, og voru umræður fjörugar og almennar, en
ekki vannst tími til að ræða öll þau mál, sem fram komu, og var
sumum jjeirra vísað til milliþinganefndar, m. a. tillögum um próf,
lög og reglugerðir, framkomu og umgengnishœili i skólum, húsverði
og fleira.
Eftirfarandi tillögur og samþykktir voru gerðar á fundinum og
hafa þær verið sendar fræðslumálastjórn:
1. Að námsskrá gagnfræðastigsins verði tekin til gaumgæfilegrar
endurskoðunar hið allra fyrsta.
2. Að þar til sú endurskoðun hefur farið fram, verði námskröfur
og próf samræmd þannig um land allt, að jjeir, er unglingaprófi
hafa lokið með tilskilinni lágmarkseinkunn, ákveðinni af fræðslu-
málastjórn, geti gengið hindrunarlaust upp í 3. bekk gagn-
fræðaskóla og héraðsskóla.
3. Að reglugerð þeirri, sem kveður á um fjölda nemenda á kenn-
ara, verði breytt með tilliti til aðstöðu hinna smærri skóla, þann-
ig að fjöldi nemenda verði lækkaður frá því, sem nú er á hvern
kennara.