Menntamál - 01.12.1963, Blaðsíða 89
MENNTAMÁL
175
er útrunninn, og veldur slíkt árlega nokkrum óþægindum
í því skipulagningar- og undirbúningsstarfi, sem unnið er
bæði í fræðsluskrifstofunni og skólunum að sumrinu.
Við gagnfræðaskólana starfa nú um 165 fastir kennar-
ar og auk þeirra nálægt 110 stundakennarar. S. 1. vetur voru
fastráðnir kennarar 160, en stundakennarar 100 talsins.
Skólastaðir.
Kennsla á gagnfræðastigi fer nú fram á 15 stöðurn í borg-
inni, eða 3 fleiri en s. 1. vetur, þar eð unglingadeildir (1.
bekkur) eru nú í fyrsta sinn starfandi í Austurbæjarskóla,
Hlíðaskóla og Laugalækjarskóla.
Fjölmennasti gagnfræðaskólinn í vetur er Hagaskóli með
670 nemendur. Næstur er Réttarholtsskóli með 624 nem-
endur og þriðji í röðinni er Vogaskólinn með 540 nem-
endur á gagnfræðastigi. Að barnaskólanum meðtöldum er
Vogaskólinn þó fjölmennasti skóli borgarinnar með sam-
tals 1522 nemendur.
Barnaskólarnir eru 13 talsins. Fjölmennastur þeirra er
Breiðagerðisskóli með 1425 börn, þá Melaskóli með 1130
börn, og Austurbæjarskóli með 1060 börn.
Samkvæmt því, sem áður var sagt, er nú samanlagður
nemendafjöldi barna- og gagnfræðaskóla Rvíkur 13.330,
og heildaraukningin frá síðasta skólaári 370 nemendur.
Samtals eru nú bekkjadeildirnar 492.
Þrísetningu í barnaskólunum er nú að heita má útrýmt.
I aðeins eina stofu er nú þrísett vegna þrengsla, en í tveim-
ur eða þremur stofum til viðbótar starfa þó 3 bekkjardeild-
ir af hagræðingarástæðum. Ef litið er fimm ár til baka, til
haustsins 1958, var þrísetning í barnaskólunum í 60 stof-
um, eða í 35% af almennum kennslustofum.
Þá hefur einnig miðað vel áfram í gagnfræðaskólunum.
Einsetningartakmarkinu er þar náð í nokkrum skólum. í
fjölmennasta skólanum, Hagaskóla, sem hefur 23 bekkjar-