Iðunn : nýr flokkur - 01.04.1928, Side 11

IÐUNN
Helgafell.
109
roðaÖ síðdegissól. í suðoestri ber Biarnarhafnarfjall tign-
arlegt við sjóndeildarhring.
Hugur hans reikar til löngu liðinna tíða. Umhverfið
er breytt. Það er skammdegi. Vigrafjörður er ísi laggður,
og lausasnjór hefir fallið á ísinn.
Úr Þingskálanesi fara sex vopnaðir menn og stefna
inn Vigrafjörð beina leið til Helgafells. Innan úr fjarð-
arbotni kemur átta manna flokkur og fer greitt. Fund-
um ber saman við sker eitt, sem stendur upp úr ísnum.
Þar búast hinir fámennari til varnar. Áður en flokkum
lýstur saman, hafa þeir skotið spjóti í lið andstæðinga
sinna og sært einn þeirra til ólífis. Hann gengur innar
á ísinn, leggst þar niður og sveipar að sér klæðum sín-
um. Mjöllin kringum hann verður smám saman öll blóði
drifin.
Hann reynir að fylgjast með bardaganum við skerið.
En hann finnur sig hvergi nærri færan til að veita fé-
lögum sínum lið. Þess er heldur engin þörf. Brátt hafa
þeir laggt að velli alla andstæðinga sína. Nú ganga þeir
til hans, lyfta honum gætilega upp og flytja hann með
sér til skipsins, sem bíður þeirra í Hofstaðavogi.
En í skerinu, þar sem fundum bar saman, liggja fimm
menn, óvígir af sárum og sá sjötti örendur. Enginn
hinna særðu mælir æðruorð. Slíkt sæmir ekki hetjum.
Skammdegishúmið færist yfir héraðið. Mennirnir í sker-
inu vænta dauða síns. Þá heyrist alt í einu til manna-
ferða á ísnum. Níu manna flokkur kemur skundandi frá
Helgafelli. Það er Snorri goði og félagar hans, sem hafa
fengið njósn af bardaganum og hraða sér til hjálpar. —
— — — Létt næturhúm grúfir yfir Helgafellsstað.
Það er síðsumar. Héraðið blundar í værum dvala.
Þá opnast bæjarhúsin. Tvær konur ganga út. Onnur
þeirra er hnigin á efra aldur; hin er enn kornung. Þær