Jörð - 01.10.1941, Blaðsíða 6
Ættjarðarljóð
EINS OG KUNNUGT ER, létum vér útvarpa orðsendingum til
ljóðskálda þess efnis, áð vér hétum verðlaunum fyrir góð ætt-
jarðarljóð. Frest tiltókum vér vikulangan. Var það af sérstöku
tilefni og settum helzt von vora til þess, að til væru góðskáhl, sem
æltu eitthvað óprentað af því lagi í fórum sínum. Er til kom, varð
það þó úr, að vér framlengdum frestinn um hálfan mánuð. Oss
bárust um 15 kvæði og voru flest þeirra snotur, en vantaði til-
þrif og nýjabragð. Sum voru með nokkurum tilþrifum, en þá jafn-
framt göllum, er gerðu það að verkum, að ekki þótti fært að verð-
launa. Hér verða hirt þau kvæðin, er oss þótti bezt. Tvö þeirra
eru eftir unga menn og ókunna. Tvö eftir roskin þjóðskáld. Hæfi-
legt þótti að ætla 2. verðlaun fyrir kvæði þessi, en 2. verðlaun
eru samkv. auglýsingu 25—50 krónur. 3. verðlaun (friáskrift að
einum árgangi af JÖRÐ) hlutu Ármann Dalmannsson, Akureyri,
Kári Tryggvasou, Víðikeri í Bárðardal og Friðgeir H. Berg, Akureyri.
Gísli H. Erlendsson, sjómaður í Reykjavík:
Landið þitt
Þó æ l)ig bresti orð og vit að lýsa,
hvað ættjörð þín er mikið land og frítt;
þú sérð það jafnan hátt úr hafi rísa
svo hreint og gróðurmjúkt og jöklum prýtt.
Þér finnst það æðsta fremd í heimi víðum,
í faðmi þess að hefjast Guði nær,
og eiga rót í akri lífsins fríðum,
sem undir frónskum himni vex og grær.
f hug þér vaka fjöll og sofa sandar,
þar svarra brim og niða jökulár;
þar saman falla seiður dals og strandar
og sumargróin lönd og hraun og gjár.
Þar blunda eldar undir fargi snæva,
þar iða fossar, dreymir vötn í ró. —
Af landi þínu, landi stórra sæva
ber líf þitt svip sem tréð af sínum skóg.
308
JÖRÐ