Prestafélagsritið - 01.01.1922, Blaðsíða 21
Prestafélagsritið.
Gjöf sænsku kirkjunnar.
17
búð manna í kristnum þjóðfélögum. Og þó mikils sé ávant
um breytni allra manna, þá sést þó glögt, hverjum tökum
kristindómurinn hefir náð á hugsunarhætti manna yfirleitt, á
því, að þeir munu fáir vera, ef vel er leitað, sem aldrei hafa
hreyft hönd til þess að hjálpa nauðstöddum náunga sínum.
Annar þáttur . kærleiksstarfseminnar er félagslífið, þar
sem menn og konur bindast samtökum í því skyni, að verja
lífi sínu og kröftum til þess að inna af hendi hjálpar- og
líknarstarfsemi innan safnaðanna. Sú starfsemi er heldur ekki
ný, en þó ekki eins almenn og hin áður nefnda, og gætir
hennar lítið í smærri þjóðfélögum, eins og t. d. hjá oss Is-
lendingum. í stærri þjóðfélögum aftur á móti, þar sem meiri
neyð vegur salt við meiri auð, hefir hún tekið á sig fast snið
og hefir nú fjölda fólks í sinni þjónustu. Og gagnið, sem hún
vinnur, er ómetanlegt.
Af slíkri félagsstarfsemi hér á Norðurlöndum eru »dia-
konissu«stofnanirnar þektastar. Sú hreyfing barst frá Kaiser-
werth á Þýzkalandi um miðja 19. öld. Starfsemin er mjög
margbrotin. Aðalþátturinn er hjúkrunarstarfið. Hafa stofnanir
þessar, sem nú eru komnar á fastan fót bæði í Danmörku,
Noregi og Svíþjóð, komið upp stórum sjúkrahúsum, og ár-
lega senda þær út fjölda af hjúkrunarkonum, sem fengið hafa
góðan undirbúning og vígslu til starfsins. Auk þess hafa stofn-
anirnar komið upp gamalmenna- og barnahælum, sent út
svonefndar safnaðarsystur til hjálpar bágstöddum og fátækum
innan safnaðanna, stofnað heimili fyrir fallnar stúlkur, fátækra-
skóla o. fl. o. fl.
Auk þessa eru til »diakon«stofnanir, sem ala upp karlmenn
og senda út til samskonar starfsemi víðsvegar innan safnaðanna.
En auk líkamlegrar og andlegrar hjálpar hefir fólk þetta
einnig andlegt starf á hendi. Uppfræðsla og trúarleg vakning
er annað aðalatriðið í þessari starfsemi, og gætir þeirrar
hliðar ef til vill mest innan hermanna- og sjómannastéttar-
innar. En þangað senda stofnanir þessar árlega bæði menn
og konur til hjálpar og aðhlynningar, bæði líkamlegrar og
andlegrar.
2