Sjómannadagsblaðið - 05.06.1988, Síða 19

SJÓMANNADAGSBLAÐIÐ
17
ÞORSTEINN PÁLSSON,
FORSÆTISRÁÐHERRA
SJÓMANNADAGURINN 1988
s
Adegi sjómanna ríkir hátíð
á Islandi og helgi í hjört-
um manna. Minnst er
sókna og sigra í viðureign við haf-
ið, en jafnframt þeirra fórna, sem
færðar hafa verið í átökunum við
reginafl hafsins.í ár er liðin hálf
öld frá því að Sjómannadagurinn
var fyrst haldinn hátíðlegur. Við
samfögnum sjómönnum á þess-
um tímamótum og til þeirra
streyma hlýjar hugsanir hvaðan-
æva að.
Petta er í raun dagur allrar
þjóðarinnar. Pó að atvinnulíf
okkar sé fjölbreytt miðað við það
sem áður var, erum við fyrst og
fremst fiskveiðiþjóð. Sjórinn er
gullkistan sem íslenskt velferðar-
og hagsældarþjóðfélag hvílir á.
Pegar við ræðum afkomu þjóð-
arbúsins, færum við hana gjarnan
í búning þjóðarskútu, sem ýmist
er að sökkva eða hefur góðan byr
og er siglt heilli í höfn af dugandi
áhöfn. Pessi orðnotkun er engin
tilviljun heldur bein skírskotun til
raunveruleikans. í sjávarþorpun-
um umhverfis landið er atvinnu-
lífið byggt á sjósókn og útgerð og
þar fer fram sú gjaldeyrisöflun fá-
mennrar en atorkusamrar þjóð-
ar, sem á allt undir viðskiptum
við aðrar þjóðir. Pannig hafa
störf fiskimanna og farmanna
meira gildi á íslandi en með flest-
um öðrum þjóðum.
Á íslandi ríkir almennt skiln-
ingur á því að umgangast verði
lífríki sjávar með virðingu og að
vernda þurfi fiskstofna og við-
halda þeim. Á degi sjómanna er-
um við ekki einvörðungu minnt á
gildi sjómannsstarfsins, þessi
dagur er líka áminning til okkar
allra um skyldur okkar við hafið
og lífríki þess. Engum er ljósara
en okkur mikilvægi verndunar,
þar sem hún á við. Við byggjum á
reynslu af sjómennsku í marga
mannsaldra, en ekki á tilbúnum
kenningum þeirra, sem kannske
hafa ekki séð sjóinn nema tilsýnd-
ar. Pví höfum við jafnan þurft að
sækja og verja rétt okkar til fisk-
veiðilögsögunnar og nýtingar
sjávaraflans gagnvart öðrum
þjóðum.
Sjómannadagurinn er líka
stöðug hvatning til árverkni um
öryggismál sjómanna. Pjóðin
stendur í þakkarskuld við þá sem
þar hafa staðið í forystu.
Fimmtíu ára afmælis Sjó-
mannadagsins verður minnst
með hefðbundnum hátíðarhöld-
um um allt land. Pað er mikilvægt
að uppvaxandi kynslóð, sem alin
er upp í mesta góðæri íslandssög-
unnar og á þess kost að mennta
sig til hvers sem hugurinn stendur
til, geri sér grein fyrir því hvert sú
velmegun er sótt. Hátíðahöld
Sjómannadagsins eru liður í slíku
þjóðaruppeldi.
Ég óska íslenskum sjómönnum
og fjölskyldum þeirra heilla og
blessunar á þessum tímamótum.