Sjómannadagsblaðið - 05.06.1988, Page 23

SJÓMANNADAGSBLAÐIÐ
21
MATTHÍAS Á. MATHIESEN,
SAMGÖNGURÁÐHERRA
ÖRYGGISMÁLIN í BRENNIDEPLI
*
hálfrar aldar afmæli Sjó-
mannadagsráðs vil ég
nota tækifærið og senda
sjómönnum öllum og fjölskyldum
þeirra mínar bestu kveðjur og
árnaðaróskir. Á vegum ráðsins
hefur mikið starf verið unnið í
þágu sjómanna og frumkvæði
tekið í öllum aðbúnaði og að-
hlynningu við aldraða sjómenn.
Ráðið hefur haft forystu um
margvíslegar nýjungar á því sviði
og eldhugur þeirra manna, sem
þar hafa verið í fylkingarbrjósti,
vakið verðskuldaða athygli.
Þótt miklar framfarir hafi orðið
í hagsmunamálum sjómanna á
undangengnum árum og áratug-
um er mikið starf eftir óunnið.
Þar hljóta öryggismálin að vera í
brennidepli.
Á þessum vetri hefur áfram
verið unnið að eflingu öryggis
sjófarenda. Ber þar einkum að
nefna átak í lögskráningamálum
sjómanna, nýjar reglur um losun-
ar- og sjósetningarbúnað gúmmí-
björgunarbáta, starfsemi Slysa-
varnaskóla íslands og gerð fyrstu
leiðbeininga til skipstjórnar-
manna um hleðslu og flutning
síldar- og hrognatunna úr tré.
Ekki má gleyma ráðstefnu um
öryggismál sjómanna, sem haldin
var sl. liaust, í framhaldi af fyrstu
ráðstefnu þessa efnis árið 1984.
Var þar farið yfir og metinn
árangur af störfum fyrri ráðstefnu
og komið með nýjar tillögur og
hugmyndir um aukið öryggi sjó-
farenda. Athyglisvert er og
ánægjulegt hversu mikið frum-
kvæði sjómenn sjálfir hafa tekið
með þessum ráðstefnum og kom-
ið fram með raunhæfar tillögur
sem margar hafa þegar verið
framkvæmdar. Með slíku sam-
starfi geta stjórnvöld gert sér
grein fyrir hvar vandinn er mestur
og með hvaða hætti hyggilegast sé
að bregðast við honum. Er það
einlæg ósk mín að þetta giftu-
drjúga samstarf megi halda
áfram.
Hins vegar eru sjóslys enn allt-
of tíð hér við land þrátt fyrir
aukna fræðslu og bættan öryggis-
búnað skipa. Árvekni, menntun
og þjálfun sjómanna er það sem
mestu varðar til að draga úr slys-
um til sjós.
Aukið öryggi á hafinu er ekki
aðeins hagmunamál sjómanna og
fjölskyldna þeirra heldur þjóðar-
innar allrar.