Sjómannadagsblaðið - 05.06.1988, Qupperneq 87

SJÓMANNADAGSBLAÐIÐ
85
og um eftirmiðdaginn munu björg-
unarsveitir Slysavarnafélagsins vera
með sýningaratriði í Reykjavíkur-
höfn.
A sjálfan Sjómannadaginn, 5.
júní, afhjúpum við nýtt minnismerki
um óþekkta sjómanninn í Foss-
vogskirkjugarði klukkan 9 um morg-
uninn. Þar mun síra Sigurður H.
Guðmundsson helga minnisvarðann
og flytja hugvekju; síðan mun kór
Víðistaðakirkju undir stjórn Guðna
Þ. Guðmundssonar flytja Þakkar-
gjörð Sigfúsar Halldórssonar.
Starfsmenn Landhelgisgæslunnar
munu standa heiðursvörð meðan at-
höfnin fer fram og ef til vill einnig
yfirmenn á þeim erlendu seglskipum
sem hingað koma á föstudeginum.
Síðan fer fram minningarguðsþjón-
usta í Dómkirkjunni þar sem biskup
íslands eða vígslubiskup minnast
drukknaðra sjómanna frá síðasta
Sjómannadegi og meðan á predíkun
stendur verður lagður blómsveigur
að hinum nýja minnisvarða í Foss-
vogi.
Eftir hádegi verða hin hefð-
bundnu hátíðahöld í Reykjavíkur-
höfn; siglt út Sundin, ræður fluttar,
aldraðir sjómenn heiðraðir, kapp-
róður, ýmsar uppákomur og sýning-
aratriði á vegum SVFÍ, sýnt listflug
og björgunaratriði með þyrlu Land-
helgisgæslunnar, seglskútukeppni
félaga úr Siglingasambandi íslands
og Snarfara, o.fl.
Um kvöldið verður svo hátíðar-
sjómannahóf á Hótel íslandi.
I tilefni afmælisins gefur Sjó-
mannadagsráð út 50 ára sögu Sjó-
mannadagsins og fyrirtækja hans
sem Ásgeir Jakobsson rithöfundur
er að rita. Þetta er mikið verk, 5-600
bls. að lengd og ríkulega mynd-
skreytt. Væntum við þess að bókin
fái goðar viðtökur landsmanna, því
þarna er á ferð merkt heimildarrit,
sem jafnframt er almenn sjómanna-
saga síðustu fimmtíu ára.
Þá hefur Sjómannadagurinn ráðið
hinn ágæta tónlistarmann Gunnar
Þórðarson til að hafa umsjón með
gerð safnplötu með vinsælum sjó-
mannalögum. Þetta verður 12 laga
plata sem sett verður á markaðinn á
haustmánuðum.
Einnig stendur fyrir dyrum að
Fjármálastjórinn, Ásgeir Ingvason, við peningakassann góða sem keyptur var fyrir
fyrsta Sjómannadaginn og hefur fylgt Sjómannadagsráði fram á þennan dag.
Sjómannadagsblaðið/Björn Pálsson
gefa út hljómplötu með tónverkum
Sigfúsar Halldórssonar; því var
frestað um sinn, en vonandi getum
við gert það fljótlega.
Það er því óhætt að segja að það sé
bryddað upp á ýmsu til að gera Sjó-
mannadaginn fimmtugan sem eftir-
minnilegastan.
Að endingu óska ég sjómönnum
um land allt til hamingju með daginn
— og þeim og fjölskyldum þeirra
friðar og farsældar á ókomnum ár-
um.“
J.F.Á.