Eimreiðin - 01.01.1927, Page 30

10
VIÐ ÞJÓÐVEGINN
eimreiðiN
Stresemann réðu ráðum sínum í Thoiry um að koma á sam*
vinnu. Svartliðum (fascistum) hefur ætíð verið fremur lítið um
Þjóðabandalagið. Þeir vilja stofna voldugt kaþólskt, latneskt
ríki og helzt að öll rómönsku löndin við Miðjarðarhafið myndj
slíkt ríki. Þessi hugmynd hefur einkum komið skýrt fram hjá
Italanum Francesco Coppola, sem er einn af tryggustu fyls*'
fiskum Mussolinis, og er hún öðru hvoru rædd í ítölskum
blöðum. Francesco Coppola telur latneska og kaþólska menn-
ingu í voða vegna sívaxandi áhrifa Engilsaxa og mótmælenda.
Þess vegna sé það skylda hinna rómönsku þjóða að samein-
ast gegn þeim. í augum svartliða er það fásinna, að Frakkar
og ,Þjóðverjar vinni saman, því Frakkar eru rómanskir eins
og ítalir.
Síðan stjórnarbyltingunni í Rússlandi lauk,
'irTmltfla00" ^efur verið unnið að því í kyrþey í Rúss-
landi að koma í framkvæmd nýju þjóðskipu-
lagi, grundvölluðu á alt öðrum kenningum í hagfræði, þjóð-
félagsfræði og stjórnfræði en ráðið hafa mestu í Evrópu
undanfarið. Eftir fjögra ára byltingu og blóðsúthellingar reis
nýtt Rússland úr rústunum. Frégnirnar þaðan hafa verið ærið
ógreinilegar til skamms tíma, en smám saman er ástandið þar
að skýrast, eftir því sem ólgan lægist og kyrð kemst á hugina-
Rússland nútímans, eða Bandaríki Rússlands, nær að minsta
kosti yfir sjöunda hlutann af öllu landsyfirborði hnattarins, og
íbúatalan er yfir 140 miljónir. Miðstjórn Bandaríkja Rússlands
hefur aðsetur sitt í Moskva. Stórfeldar tilraunir hafa þegar
verið gerðar á flestum sviðum til þess að koma í frarnkvæmd
hugsjónum kommúnista, sem er hinn ráðandi stjórnmálaflokk-
ur í landinu. Ríkið leiðir að mestu leyti alla framleiðslustarf-
semi, annaðhvort í þjóðnýtingar- eða samvinnuformi. Ein-
staklingsrekstur í smærri stíl er þó engan veginn úr sögunni
enn. Samkvæmt opinberum skýrslum voru tekjur alríkisins árið
1925 rúmlega 63/4 miljarðar króna, en árið 1923 aðeins rúmir
3V3 miljarðar. Sýnist því hér um mikla framför að ræða á ein*
um tveim árum. Tíminn leiðir í ljós, hvort hin stórfelda til-
raun þeirra Lenins og Trotskys, svo nefndir séu tveir helztu
feður Rússlands hins nýja, fær staðist, en alt sýnist benda á,
að Bandaríkin rússnesku standi fastari fótum nú en nokkru
sinni áður.
Deila nokkur kom upp síðastliðið sumar innan rússneska
kommúnistaflokksins, aðallega út af afstöðu rússnesku bænd-
anna til verkalýðsins í bæjunum. Trotsky og vinstri vængur
kommúnista töldu verkalýð bæjanna sæta hlutfallslega þyngn
skattaálögum en bændurna og vildu láta kippa þessu í laS>