Eimreiðin - 01.01.1927, Side 62

42 LEIKHÚS NÚTÍMANS eimreiðin
— í öllum atriðum — er þó nokkurnveginn hægt að slá því
íöstu, að í mörgum meginatriðum er byggingarlag þeirra
svipað og oft nauðalíkt.
Leikhúsbyggingunni er æfinlega skift í tvo aðalhluta: áhorf-
endasvið með tilheyrandi áhorfendasal, fatageymslu, forstofum,
göngum, stigum og salernum — og leiksvið ásamt búnings-
herbergjum, leikendasal, málarasal, geymslu og skrifstofum.
Myndin sýnir áhorfendasvið í stóru nútímaleikhúsi er tekur
um 1800 áhorfendur. Eins og mjög er algengt, er það bygt
í hálfhring með áhorfendasvölum. Hvort sem þessar svalir
eru fleiri eða færri, er neðsta hæðin venjulega breiðust, og
nær Iengra fram en þær efri. Mætti þá nefna þá hæð fram-
svalir. Þar fyrir ofan taka svo við fyrsta og önnur hæð, og
efst loftsvalirnar (Galleri). Eins og myndin sýnir, eru á hverri
hæð margar sætaraðir hver aftur af annari, og ber hæst á
öftustu röðunum. Þverskilrúm skifta sætunum niður í smá-
stúkur. I sumum leikhúsum — t. d. í franska þjóðleikhúsinu
í París — eru stúkur þessar afþiljaðar, og að framan er
hægt að loka þeim með léttri málmgrind, svo að þeir sem
sitja þar eru algerlega út af fyrir sig, og sjást ekki af hinum
áhorfendunum, en sjá þó og heyra í gegnum þessa grindhurð
alt sem gerist á leiksviðinu og í salnum. Sætin í stúkum
þessum eru misjafnlega mörg; sumstaðar eru þau að eins
ívö, annarsstaðar sex til átta og jafnvel fleiri.
Gólfi áhorfendasviðsins hallar að leiksviðinu (venjulega er
hallinn svo sem einn þumlungur á hverja alin) þannig, að hæst
ber á öftustu sætunum. Er því þannig fyrirkomið til þess, að
þeir sem framar sitja, skyggi ekki á fyrir þeim, sem sitja aftar.
Sætin á neðstu hæðinni — íramsvölunum — eru alt af
dýrari en þau á efri hæðunum, og ódýrust eru sætin á loft-
svölunum. Miðstúkusætin á hverri hæð — beint á móti leik-
sviðinu — eru þó alt af þau dýrustu á hæðinni.
Með tilliti til sætaverðsins er gólfinu venjulega skift í 3—4
hluta. Mætti nefna fremsta partinn framgólf, og hina aftari
miðgólf og afturgólf. Eru sætin á framgólfinu dýrustu sætin í
húsinu, miðgólfssætin eru nokkru ódýrari, og sætin á aftur-
gólfinu eru ódýrust af gólfsætunum.
Auk hins almenna og venjulega verðs á aðgöngumiðunum,