Eimreiðin - 01.01.1927, Side 131

EINREIÐIN
RITSJÁ
111
ár, og dregin upp glögg mynd af þjóðfélagsháttum, trúarbrögðum og lífs-
koðun hinna fornu Germana og að síðustu allgott yfirlit skáldskapar
Þeirra. Auðvitað eru Eddurnar og fornsögurnar okkar annar sá brunnur,.
sem ausa verður af, og það gerir höf. óspart. „Ex septentrione lux“'
— ljós úr norðri — eru einkunarorð hans, eins og allra þeirra, sem við
forngermönsk og fornnorræn fræði fást. Alla leið norður til íslands,
— í fornbókmentir okkar — verður að leita þess ljóss, sem rjúfi myrk-
Ur á þessum horfnu leiðum. Bókinni er skift í fimm kafla, og af þeim
er fjórði kaflinn, um trúarbrögðin, einna eftirtektarverðastur. Er þar sam-
ankominn mikill fróðleikur um forn trúarbrögð og meðal annars gerður
fróðlegur samanburður á hugmyndum Germana og Grikkja hinna fornu
um dauðann og annað líf.
THE EUROPA YEAR-BOOK 1927. Bók þessi flytur hagfræðilegt og
Þjóðfélagslegt ársyfirlit Evrópu. Hefur þetta ársyfirlit inni að halda
fjöldamargar upplýsingar um stjórnmál, viðskiftamál, samgöngur, vísindi„
listir og bókmentir nútímans í öllum löndum Norðurálfunnar. Er þarna
Seysimikill fróðleikur saman kominn, sem alla varðar, en þó einkum þá,
sem starfs síns vegna þurfa að fylgjast með í breytingum og viðburða-
rás samtíðarinnar, svo sem er t. d. um kennara, stjórnmálamenn og
blaðamenn. Um ísland er þarna fróðlegur kafli, þótt stuttur sé, og gefur
útlendingum góða hugmynd um land og þjóð. Eina slæma villu hef ég þó
rekist á, þar sem getið er um barnafræðsluna íslenzku. Eftir að skýrt
hefur verið frá því, að öll börn séu hér skólaskyld á aldrinum 10—14
ára, er því bætt við, að þessi kvöð sé ekki betur haldin en það, að
aðeins 7 eða 8% af skólaskyldum börnum sæki að meðaltali barnaskól-
ana. Má vera að hér sé um prentvillu að ræða, þannig, að í stað 7 eða
8% eigi að standa 70 eða 80%, en það mun láta nærri sanni. Ekki
er það heldur rétt, að varamenn Iandkjörinna þingmanna megi ekki taka
sæti þeirra, ef þeir falla frá, heldur verði þá að fara fram landkjör að
nýju (sjá bls. 354). Annars mun óhætt að gera ráð fyrir nákvæmni og
réttri frásögn í árbók þessari, því útgáfufélagið í London hefur hæfa
rnenn nálega í hverju landi Evrópu, sem skrifa í hana, og auk þess
er farið eftir opinberum hagskýrslum hverrar þjóðar um sig. Ðók eins
°9 þessi getur gert mikið til þess að skapa réttan skilning þjóða í milli
og er auk þess ómetanlegt heimildarrit öllum, sem fylgjast vilja með
•ímanum. Hún er 642 síður að stærð, í allstóru broti, og kostar í bandi
kr. 18,30. Fæst í bókaverzlun Ársæls Árnasonar hér í bænum.