Uppeldi og menntun - 01.09.2004, Page 109

HRONN PALMADOTTIR
fremur hillur þar sem tómum umbúðum er raðað upp. Einnig eru dúkkur og dúkku-
kerra í herberginu.
Meðan börnin voru að leik voru kennarar að mestu í fremsta herbergi deildarinn-
ar. Til þess að líta til með börnunum á heimilissvæði verður að koma inn í herbergið
eða í gættina sem er hurðarlaus. Það var gert öðru hverju og einnig leituðu börnin
fram eftir aðstoð. Sjónarhornið beinist að því hvað Tumi gerir til þess að vekja á sér
athygli eða ná sambandi við leikfélagana og hver viðbrögð leikfélaganna eru. Einnig
er íhlutun Sigrúnar leiðbeinanda athuguð. Eftirfarandi dæmi eru ríkjandi fyrir sam-
skiptin í leiknum.
Höfnun leikfélaga
Tumi fylgist vel með því sem gerist í kringum hann og reynir að hafa áhrif. Hann
beitir ógnandi svipbrigðum til þess að stjórna leiknum. Þegar samleikur myndaðist á
milli stúlknanna þriggja horfði Tumi t.d. hvasst á þær, setti í brýrnar og skipaði þeim
ógnandi röddu að „opna" búðarkassann.
Tumi tekur ekki undir tilraunir Ástu og Önnu um leik. Ásta segir með leikröddu
„pabbi" en Tumi lítur á hana og svarar frekjulega „nei" og heldur áfram að stökkva í
dýnunum. Anna hoppar margoft ofan af borðinu yfir í dýnurnar og lítur á hann án
þess að hann bregðist við. Beta hoppar í dýnum og lítur á Tuma og hann brosir og
hermir eftir henni. Þau eiga í stuttum samleik þar sem þau tjá gleði með svipbrigð-
um. Sigrún leiðbeinandi kemur inn og bannar börnunum að hoppa. Ásta vekur á sér
athygli þar sem hún dansar um með hljóðum, en Sigrún endurtekur að bannað sé að
vera í dýnunum og fer af vettvangi. Athygli og áhugi Tuma beinist að búðarkassan-
um og fara samskiptin milli barnanna fram í kringum hann. Beta kemur með peninga
og sýnir Tuma. Hann tekur þá af henni, hallar undir flatt og horfir á hana og segir:
„Hvernig peningar eru þetta?" Hann fer fram og spyr Lindu leiðbeinanda hvað
standi á seðlunum. Honum er svarað með upplýsingum um hvað standi á seðlunum
og hann endurtekur með ýktum raddhljómi það sem honum er sagt og lætur þannig
í það skína að honum finnist mikið til koma. Anna og Ásta halda sig í námunda við
búðarkassann og Tuma.
Atök milli barna
Tumi tók úlpu af Ástu, sem hún hafði áður rétt honum í þeim tilgangi að fá hann í
leik en hann hafnað. Sigrún leiðbeinandi tók hana af Tuma og lét Ástu hafa hana með
þeim orðum að „þið getið ekki farið bæði í þetta."
Þegar líða tekur á leiktímann eru börnin beðin að taka saman. Tumi stendur hjá
fataskápnum og borar í nefið. Ásta gengur fram hjá og stígur í ógáti ofan á ristina á
honum, en hún er í inniskóm. „Á," æpir Tumi og sparkar í kvið hennar í tvígang. Ásta
grætur og heldur um kviðinn. Sigrún stendur hjá þeim og Tumi lítur á hana og segir
með samanbitnum vörum: „Hún meiddi mig-hún steig ofan á mig." Tuma er svarað
að það hafi verið óvart hafi hún stigið ofan á hann. Sigrún tekur utan um handlegg-
inn á Tuma og leiðir hann í sætið við borðið.
107