Uppeldi og menntun - 01.09.2004, Síða 150

MAT Á NOTKUN UPPLÝSINGA- OG SAMSKIPTATÆKNI ...
hópa á fjarkennslustöðum. Fjarnemum fjölgar hratt og hefur hlutfall þeirra farið allt
upp í 40% af heildarnemendafjölda skólans. Síaukið vægi fjarnáms hefur haft þau
áhrif að upplýsinga- og samskiptatækni leikur æ veigameira hlutverk í þróun
skólans.
Á upphafsárum Háskólans á Akureyri hafði fólk tilhneigingu til að líta á tölvu
fyrst og fremst sem vél til ritvinnslu. Víst má telja að fáir hafi getað ímyndað sér að
jafnmiklar breytingar yrðu á umhverfi háskólastofnana hvað tölvunotkun varðar og
raunin hefur orðið. Síaukin notkun upplýsinga- og samskiptatækni í námi og
kennslu og hröð þróun á því sviði kallar á að háskólar endurskoði stöðugt þau við-
mið sem þeir setja til að tryggt sé að háskólinn sem æðri menntastofnun undirbúi
nemendur sem best undir líf og starf í samfélagi framtíðarinnar.
Eitt af skilgreindum markmiðum í stefnuskrá Háskólans á Akureyri frá 2001 er að
búa nemendur sem best undir að nýta sér upplýsingatækni í lífi og starfi og stuðla að
því að kennarar þrói kennsluhætti sína. Því var það áhugavert verkefni að leggja mat
á stöðu skólans í þessum efnum. Reynt var í matinu að svara eftirfarandi spurn-
ingum:
• Hver er þáttur upplýsinga- og samskiptatækni í þróun Háskólans á Akureyri
sem stofnunar?
• Hvernig er notkun upplýsinga- og samskiptatækni háttað í námi og kennslu í
Háskólanum á Akureyri og hver er þáttur hennar í námi fjarnema?
Greinarhöfundur hafði starfað sem verkefnastjóri fjarkennslu við Háskólann á Akur-
eyri frá haustinu 2000 og kom því að verkefninu „innan frá" ef svo má að orði
komast. Var tilgangurinn ekki hvað síst sá að dýpka eigin þekkingu á viðfangsefnum
starfsins og geta miðlað afrakstri verksins til þeirra sem koma að stefnumótun til
framtíðar. Matið og þær ályktanir sem af því eru dregnar grundvallast á því gildis-
mati að miklu skipti fyrir þróun háskólastofnunar að upplýsinga- og samskiptatækni
sé nýtt í námi og kennslu á þann hátt að hún auðgi námið og stuðli að því að mennt-
unin sem skólinn veitir verði nemendum haldgott veganesti þegar út á völlinn er
komið.
VIÐMIÐ MATS
Skipta má í þrjá meginflokka þeim viðmiðum sem liggja til grundvallar matinu. í
fyrsta lagi er þau að finna í stefnumótun háskólans sjálfs sem birtist í stefnuskrá hans.
f öðru lagi má greina þau í stefnumótun menntamálayfirvalda og í þriðja og síðasta
lagi birtast þau í þeirri fræðasýn sem þróast hefur á síðustu árum ekki hvað síst
vegna aukins vægis upplýsingatækni í þróun háskólanáms og háskólakennslu.
Haustið 2000 hófst kerfisbundin stefnumótunarvinna í Háskólanum á Akureyri.
Afrakstur þeirrar vinnu birtist síðan í stefnuskrá sem fól í sér stefnumótun og mark-
mið fyrir árin 2001-2003. í stefnuskránni eru sett markmið sem bæði lúta að ytra og
innra ferli starfseminnar. Þar er kveðið á um hlutverk skólans sem æðri menntastofn-
unar á landsbyggðinni, s.s. það að stuðla að jafnvægi í byggð landsins og efla nýsköp-
148