Iðunn : nýr flokkur - 01.06.1933, Síða 13

ÍIÐUNN
Uppreistin gegn siðmenningunni.
187
En svo vel ber í veiði, bæði oss til fróðleiks og við-
vörunar, að Þýzkaland á prófessora. Og einn af þeim,
prófessor Alfred Beumler, sem gegnir hinu nýstofnaða
embætti sem kennari í pólitískri uppeldisfræði(l) í
Berlín, hefir leyst allan vafa um markmið hins þriðja
ríkis:
„Gegn þeirri tegund mentaðs manns, sem heim-
spekin hefir verið að bögglast við að skapa, ber að
setja hermanninn. Það hefir verið siður að álíta her-
manninn óandlegan, og menn gerðu sér ekki ljóst, að
herinn var líftaugin í menningu þjóðarinnar. Það var
engin heimspekileg hugsjónafroða eða mannkærleika-
vella, sem vann orrusturnar í ófriðinum mikla. Það
var hin óskrifaða heimspeki hersins. Markmið vorrar
nýju heimspeki er að sameina í hærri einingu hinar
fölsku andstæður: andi—afl.“ — Lengra verður ekki
komist í sviksamlegri misnoíkun heimspekilegra orð-
tækja en hér er gert. Það, sem einfaldlega er átt við
með þessari „hærri einingu andstæðunnar andi—afl“, er
dýrkun hins nakta ofbeldis, er framið sé af hreinum
norrænum Þjóðverjum, afneitun allrar siðferðiskend-
ar, allrar samúðar, allrar blygðunar, allrar auðmýktar.
Allsherjar taglhnýtingsháttur skilyrðislausrar og blindr-
ar þrælhlýðni hermannsins, sem alinn hefir verið upp
til þess að skoða rán og morð sem hin æðstu gæði,
er opinberlega viðurkend hugsjón hins þriðja ríkis.
Hve djúpt þessi heiðna uppreist grípur í tilbeiðslu
sinni á villimenskunni, verður ljósast af því að virða
fyrir sér þýzka háskóla, sem einu sinni voru sterkustu
vígi andlegs frelsis og rannsókna. Þar hafa Nazistar
nú sett í öndvegi nýja kenningu um eðli þekkingar-
innar, sem réttlætir öll hermdarverk stúdentafélaga
Nazista og drepur af sjálfu sér alt það, sem hingað