Árbók Háskóla Íslands - 01.01.1982, Page 14
12
Árbók Háskóla íslands
Það, sem þessi kunni háskólamaður
segir um bandaríska æsku og við þá æsku,
á einnig við um þau mál, sem hér hafa
verið til umræðu. Við leysum ekki
vandamálin með einföldum hætti og ekki
í flýti. Við getum hins vegar vænst ár-
angurs með tíð og tíma, ef við kappkost-
um að öðlast skilning á málunum og
beitum íhygli, hógværð og réttsýni í
glímunni við lausn þeirra og kappkostum
jafnframt að sameina í stað þess að
sundra. Þeir tímar koma fyrr en varir, að
þeir menn, sem tamið hafa sér slík
vinnubrögð, hljóta að verða að takast á
við vandann, þegar enn að nýju verður
ljóst, að gagnstígir verða oft glapstígir."
Þegar þið haldið héðan, hvet ég ykkur til
að beita þekkingunni sjálfum ykkur, fjöl-
skyldum ykkar og þjóðinni allri til heilla.
Gerið enn betur en þeir, sem á undan ykkur
hafa gengið. Guð blessi ykkur í bráð og
lengd.
Háskólahátíð 26. júní 1982
Forseti íslands,
ágœtu kandídatar, heimamenn og góðir
gestir.
Sé nám lagt að jöfnu við vinnu, er Háskóli
íslands fjölmennaasti vinnustaður landsins.
Nemendur voru 3615 á þessu háskólaári. Er
þetta um 700 manna aukning á þremur ár-
um eða um 24%. Fastir kennarar eru um
230. Sé stundakennurum, starfsliði á rann-
sóknastofnunum, við stjórnsýslu og í fyrir-
tækjum sem rekin eru af háskólanum bætt
við, er fjöldi starfsmanna og nemenda hátt í
5000 manns. Til samanburðar má geta þess,
að í blöðum kom nýlega fram, að hjá Sam-
bandi íslenskra samvinnufélaga og fyrir-
tækjum þess væru starfandi innan við 2000
manns.
Fjöldi nýinnritaðra stúdenta á háskólaár-
inu var 1419, en fjöldi brautskráðra verður
392. Allmargir nýir kennarar og aðrir
starfsmenn hafa bætst i hópinn, og býð ég
þá alla velkomna. Aðrir hafa látið af störf-
um fyrir aldurs sakir eða horfið til annarra
starfa, og kann ég þeim bestu þakkir fyrir
samvinnuna.
R ekstrarfjárþörf
Háskóli íslands gerði rækilega grein fyrir
fjárþörf sinni fyrir árið 1982 í greinargerð
með fjárbeiðnum í fjárveitinganefnd, hjá
ráðherrum og í fjölmiðlum. Árangur var
nokkur, sérstaklega í stöðumálum. Hins
vegar fékkst í meðferð Alþingis aðeins um
þriðjungur af því sem háskólinn þurfti til
viðbótar tölum fjárlagafrumvarpsins, þ.e. 3
millj. króna af 9,6 á þágildandi verðlagi.
Það, sem ekki fékkst þá, verður háskólinn að
fá í aukafjárveitingu á þessu ári.
Aukafjárveiting þessi og þær beiðnir, sem
nú hafa verið sendar fyrir 1983, eru nauð-
synlegar til þess að unnt verði að framfylgja
lögum um Háskóla íslands. Þar er háskól-
anum meðal annars gert að taka við öllum
nemendum í flestum greinum, sem þar eru
kenndar, fullnægi þeir tilteknum skilyrðum.
Telji hið háa ráðuneyti fjármála og hæstvirt
Alþingi að sníða þurfi af þessum beiðnum,
er það þessara aðila að segja til um, hvaða
nemendum beri að vísa frá eða seinka í
námi. Háskólinn mun ekki slaka á gæða-
kröfum í námi.
í greinargerð með tillögum Háskóla ís-
lands um rekstrarfjárveitingar fyrir árið
1983 er fjárveitingavaldinu einnig bent sér-
staklega á, að háskólinn keppir um hæfa
menn á hinum almenna vinnumarkaði.