Árbók Háskóla Íslands - 01.01.1982, Page 18
3
Starfsemi deilda og stofnana
háskólaárin 1979—1982
Guðfræðideild og fræðasvið hennar
Inngangur
Nærvera guðfræðideildar innan háskól-
ans minnir á, hve djúpum rótum háskólinn
stendur í lífi þjóðarinnar. Guðfræðideildin
skipar efsta sætið meðal deilda-háskólans, af
því að hinn elsti þeirra skóla sem upphaf-
lega mynduðu háskólann var Prestaskólinn
er tók til starfa 1847. Prestaskólinn átti hins
vegar rót að rekja til stólskólanna á Skál-
holti og á Hólum. Samtímis sem vér búum
oss undir að minnast 1000 ára afmælis
kristnitökunnar, megum vér því búa oss
undir að minnast 1000 ára afmælis mennta í
landinu.
Á þetta minnir guðfræðideildin. Samt
sem áður lifir hún ekki af söguhelginni
einni, heldur hefur hún lifandi hlutverki að
gegna varðandi ávöxtun trúararfsins. Er
markmið guðfræðinámsins að veita þekk-
ingu og skilning á kristinni trú í sögu og
samtíð og námið í senn fræðilegt og hagnýtt
án þess að hægt sé að gera skörp skil þar á
milli.
Nám og kennsla
Nám í guðfræðideild er stundað sam-
kvæmt reglugerð, sem samþykkt var 1974.
Var þá tekið upp áfangakerfi og kennslu-
greinunum skipt niður í námskeið. I stað
hins heildstæða embættisprófs fyrrum var
embættisprófinu skipt niður í áfanga. Hafa
þessu verið gerð ítarleg skil í tveim undan-
fömum Árbókum.
Nú, er nokkur reynsla er fengin varðandi
hið nýja fyrirkomulag, hafa bæði kostir þess
og gallar komið í ljós.
Helsti gallinn er sá, að námsálag hefur
verið mjög misjafnt á milli missera. Er ein
orsök þess sú, að vægi kennslugreina í
kjama var bundið í reglugerð, sem veitti
næsta lítið svigrúm til þess að jafna álagi á
milli missera. Þá má og nefna þann galla, að
einingu guðfræðinnar sem fræðigreinar
þótti að nokkru leyti ógnað.
Miklar umræður hafa farið fram um þessi
atriði innan guðfræðideildar, og á síðast-
liðnu vori náðist samstaða um að fara fram
á bi;eytingar á reglugerð guðfræðideildar,
sem miðuðu að því að veita deildinni meira
svigrúm til skipulagningar náminu eftir
hennar eigin þörfum. Var vægi kennslu-
greina í kjama strikað út og orðalagi breytt í
samræmi við það. Þá voru settar skýrari
reglur en áður voru um útreikning á ein-
kunnum fyrir ritgerðir sem eru hluti prófs,
ennfremur sett inn ákvæði um skilafrest á
ritgerðum sem eru prófverkefni. Að síðustu
voru munnleg próf í hebresku og grísku
felld niður.
Reglugerðarbreytingar þessar voru stað-
festar af forseta íslands þann 14. júlí 1982.
í samræmi við þessar breytingar var hafist
handa um að skipuleggja námið í deildinni
með það í huga að jafna álagi milli ára. Var
gengið frá skipulagi náms á fyrsta ári, sem
auglýst var í Kennsluskrá háskólaársins
1982—83, og samþykktar grundvallarreglur
varðandi nám á 2.-^1. ári. Samkvæmt þeim
er gert ráð fyrir því, að yfirferð í námskeið-