Árbók Háskóla Íslands - 01.01.1982, Side 23
Læknadeild og fræðasvið hennar
21
dregist á langinn og tímamörk um lok þeirra
ekki haldist. Frágangur á húsnæði tann-
læknadeildar hefur haft algjöran forgang,
°g hann hefur reynst fjárfrekari en ráð hafði
verið fyrir gert, sérstaklega hvað varðar
tækjakaup. Þess er vænst að tannlæknadeild
geti flutt inn með starfsemi sína í desember
1982.
Hvað læknadeild áhrærir er erfitt á þess-
ari stundu að spá nokkru um það hvenær
hún getur tekið til afnota sinn hluta af
kyggingunni en björtustu vonir benda til að
það geti orðið að hausti 1984.
Áformað er að fjórar kennslugreinar
læknadeildar, þ.e. líffærafræði, lífeðlis-
fræði, eðlisfræði og lífefnafræði, fái inni í
þeim hluta „Byggingar 7“ sem nú er risinn. I
desember 1979 tilnefndi deildarforseti, að
beiðni Yfirstjómar mannvirkjagerðar á
Landspítalalóð, sérstaka hönnunarnefnd
sem skyldi gera tillögur um skiptingu og
nýtingu þessa húsnæðis. í nefndinni var
einn fulltrúi frá hverri þessara kennslu-
greina, auk fulltrúa læknanema og deildar-
forseta. Vann þessi nefnd í samráði og sam-
vinnu við húsameistara ríkisins og sam-
verkamenn hans. í mars 1981 hafði nefndin
lokið frumvinnu, s.s. skiptingu húsnæðis
milli greina og fyrirkomulagi í grófum
dráttum. Voru þær niðurstöður kynntar
Yfirstjórn mannvirkjagerðar. Síðar var svo
þráðurinn tekinn upp aftur og þá farið út í
nánari útfærslu á fyrirkomulagi og búnaði í
húsrými hverrar greinar fyrir sig. Lækna-
deild var umhugað að hafa öll þessi mál á
hreinu og vel unnin svo að ekki kæmi til tafa
á verkútboðum þegar þau væru á annað
borð talin tímabær.
Annars hefur ekkert sérstakt gerst í hús-
næðismálum deildarinnar á þessu 3ja ára
tímabili. Leiguhúsnæði er hið sama og rakið
er í fyrri árbókum. Þó skal þess getið að
jafnhliða því sem lestraraðstaða fékkst fyrir
stúdenta í Hjúkrunarskóla Islands árið 1979
fengust þar einnig tvö lítil herbergi sem
®tluð voru til afnota fyrir stjóm deildarinn-
ar og undir skrifstofuhald. Deildarfulltrúi
hefur nú annað herbergið til umráða, en í
hinu er vinnuaðstaða fyrir nefndir á vegum
læknadeildar. Eftir sem áður hefur lækna-
deildin skrifstofuherbergi í háskólabygg-
ingunni, og þar hefur annar deildarfulltrúi
bækistöð. Deildarfulltrúamir eru nú sem
sagt orðnir tveir, og hefur verið komið á
ákveðinni verkaskiptingu þeirra í milli.
Læknadeildin og sjúkrahúsin
Eins og læknanámið eða kannske réttara
læknakennslan hefur tíðkast hér, er hún
fólgin í fyrirlestrum hvað fræðilegu hliðina
snertir, og hins vegar er ætlast til að stúd-
entar öðlist verkþjálfun og reynsluþekkingu
með rannsóknastofuvinnu á fyrri árum
námsins og klinískum störfum á þeim síðari
og svo ýmislegri sýnikennslu á öllum stigum
námsins. Til klinískrar þjálfunar þarf á
sjúklingum að halda, en hvar á sú kennsla
að fara fram? Á lækningastofunni? — á
sjúkrahúsinu? — eða hvoru tveggja? Hvaða
aðstöðu hefur læknadeild eða háskólinn
skapað til þessarar kennslu?
Áður fyrr, bæði á dögum heimakennslu
landlæknanna og eftir að Læknaskólinn tók
til starfa, var kennslan fólgin í því að nem-
andinn fylgdist með daglegum störfum
læknisins, hvort heldur var á lækningastof-
unni eða við rúmstokk sjúklingsins í heima-
húsum. Síðar, þegar sjúkrahús taka að rísa
(Landakotsspítali 1902, Kleppsspítalinn
1907, Vífilsstaðahæli 1910 o.s.frv.) flyst klin-
íska kennslan þangað, annað hvort með
þeim hætti að kennararnir eru þar starfandi,
eða ef svo er ekki, að spítalalæknamir eru
beðnir fyrir nemendur til verklegrar þjálf-
unar, enda þótt þeir séu ekki tengdir
læknadeild að öðru leyti. Þegar Landspítal-
inn tekur svo til starfa árið 1930 færist klin-
íska kennslan að mestu eða öllu leyti þang-
að. Þessi tengsl voru strax staðfest með
ákvæði í lögum um að yfirlæknar á lyf-
læknis- og handlæknisdeildum skyldu jafn-
framt vera prófessorar við læknadeild. Hins