Árbók Háskóla Íslands - 01.01.1982, Qupperneq 30

28
Árbók Háskóla íslands
til þess fallin að skapa traust valdhafa og
geri hægara um vik að kría eitthvað auk-
reitis út úr fjárveitingavaldinu. Þó sá sem
þetta skrifar hafi á undanförnum árum tek-
ið þátt í rekstrarfjárlagagerð háskólans í
góðri trú og eftir þessari forskrift, hefur
hann oft látið efast um réttmæti slíkra
vinnubragða og fundist þau bera vott um
helst til mikla þjónkun við hið pólitíska vald
sem getur verið misviturt, kenjótt og and-
snúið, allt eftir því hver um stjórnvölinn
heldur.
Á ekki háskólinn að gera valdhöfum það
ljóst með beinhörðum tölum hvað kosti að
reka slíka stofnun miðað við ákveðna
deildaskiptingu og nemendafjölda með
þeim hætti að hún geti rækt hlutverk sitt
sómasamlega og kafni ekki undir nafni? Ef
fjölga á nemendum eða taka upp nýjar
kennslugreinar ætti að vera hægt að reikna
út hvað það kostar. Niðurstöðuna á síðan að
leggja fyrir ráðamenn, og þá er það þeirra
að velja og hafna. Við segjum að þessa
upphæð kosti að reka læknadeild með 40
manna árgangi miðað við skilgreindar lág-
marks kennsluaðstæður og ákveðinn fjölda
nemenda. Vilji stjómvöld fjölga lækna-
nemum eða hafa deildina alveg opna, verð-
ur fyrst að tryggja viðbótarfjárveitingar frá
ríkinu vegna aukins kostnaðar.
Á sama hátt og valdhöfum er gerð grein
fyrir því hvað það kostar að reka háskóla
eða taka upp nýjar kennslugreinar þarf
einnig að kynna þeim framkvæmdaáætlanir
næstu 5—10 ára, í hvaða röð verkefnin eigi
að vinnast og hvaða fjárveitinga sé þörf.
Gegn þeim sjónarmiðum, að háskólinn
eigi að setja fram ýtrustu kröfugerð eða til-
lögur um æskilegustu fjárveitingar, hafa
komið fram þær mótbárur að við svo him-
inháar tölur fallist fjárveitingavaldinu
hendur, það sé ófært um að meta stöðuna
eða gera upp á milli verkefna. Því sé heilla-
vænlegra og árangursríkara að fara sér
hægar og þræða málamiðlunarleiðina.
Upphaflegar tillögur eða óskalistar deilda
berist hvort eð er Fjárlaga- og hagsýslu-
stofnun ásamt með endanlegri „hófsamri“
rekstraráætlun háskólans.
Hvaða leið sem er valin við fjárlagagerð
háskólans verður að leggja áherslu á það við
rétta aðila að fjárveitingar til háskólans eru
pólitísk ákvörðun sem hefur bein áhrif á
starfsemi hans og möguleika til að færa út
kvíamar. Háskólinn getur og á að marka
stefnuna, en stjórnmálamennirnir bera fjár-
hagslega ábyrgð á því að henni sé hægt að
fylgja eftir.
Víkingur Heiðar A rnórsson
Lyfjafræði lyfsala
Síðast liðin 25 ár hefur kennsla í lyfja-
fræði lyfsala farið fram á vegum Háskóla
Islands. Hefur námið frá öndverðu tekið 3
ár og því lokið með aðstoðarlyfjafræðings-
prófi (examinatus pharmaciae). Þeir, sem
hafa lokið lyfjafræðingsprófi (candidatus
pharmaciae), hafa því orðið að fara utan til
þess að ljúka síðari hluta náms.
Sumarið 1976 fól þáverandi rektor nefnd
þriggja lyfjafræðinga að kanna og semja
álitsgerð um það, hvort unnt myndi að
kenna lyfjafræði lyfsala til kandídatsprófs
við Háskóla Íslands. Sendi hún rektor já-
kvæðar niðurstöður sínar í desember sama
ár.
Vorið 1981 samþykkti háskólaráð, að
hafinn skyldi undirbúningur að kennslu til
kandídatsprófs i lyfjafræði lyfsala haustið
1982. Undirbúningur að þessari kennslu
hefur farið fram síðast liðið rúmlega eitt ár