Árbók Háskóla Íslands - 01.01.1982, Qupperneq 31

Læknadeild og fræðasvið hennar
29
og mun námið taka samtals 5 ár og verða
kennslustundir samtals um 3000, sem skipt-
ast nokkurn veginn jafnt á milli bóklegrar
°g verklegrar kennslu. Einnig er gert ráð
fyrir starfsþjálfun á sumrum í samtals 12
mánuði, áður en kandídat getur sótt um
starfsleyfi. Hefur áætlun um þessa kennslu
verið gerð með íslenskar aðstæður og þarfir í
huga, og er gert ráð fyrir, að þjónusta lyfja-
fræðinga, er hljóta þá menntun, er áætlunin
gerir ráð fyrir, muni nýtast í lyfjabúðum,
sjúkrahúsum og lyfjagerðum. Einnig er þess
vænst, að þær menntunarkröfur, sem gerðar
eru, verði hliðstæðar þeim, sem gerðar eru á
Norðurlöndum, og nægi til að uppfylla þær
kröfur, sem gerðar kunna að verða um
menntun lyfjafræðinga, sem hljóta gagn-
kvæm atvinnuréttindi í þeim löndum, sem
eru aðilar að Evrópuráðinu.
Áður nefnd áætlun byggir annars vegar á
eflingu greina, sem kenndar hafa verið til
aðstoðarlyfjafræðingsprófs, og hins vegar á
nýjum kennslugreinum, sem kenndar eru í
öðrum deildum háskólans. Að öðru leyti
vísast til kaflans um Lyfjafræði lyfsala íÁr-
bók Háskóla Islands háskólaárin 1973—
1976, bls. 47, og háskólaárin 1976—1979,
bls. 37—38.
Vilhjálmur G. Skúlason
Rannsóknastofa háskólans í meina- og sýklafræði
Rannsóknastofa háskólans í meina- og
sýklafræði varð formlega til með skipun
læknis í dósentsstöðu við læknadeild Há-
skóla íslands 1. janúar 1917. Hún erþví elsta
rannsóknastofnunin, sem tengd er Háskóla
íslands. Hún er eina stofnunin sinnar teg-
undar í landinu og er hlutverk hennar að
sinna þjónustu, vísindastörfum og kennslu á
háskólastigi í þeim greinum, sem tilheyra
verkefnum hennar. Stofnunin er rekin af
Ríkisspítölunum og lýtur Stjómamefnd
rikisspítalanna. Samkvæmt lögum er pró-
fessorinn i meinafræði við læknadeild há-
skólans jafnframt forstöðumaður Rann-
sóknastofu háskólans, og er núverandi for-
stöðumaður Jónas Hallgrímsson.
Eftir viðfangsefnum skiptist stofnunin í
þrjár deildir:
') Líffærameinafræðideild.
-) Réttarlæknisfræðideild.
^) Sýkladeild.
Fastir starfsmenn eru um 70 talsins.
Sérfræðingar í árslok 1981
Líffœrameinafrœðideild
Yfirlæknir Jónas Hallgrímsson, prófessor
Bjarki Magnússon, læknir
Gunnlaugur Geirsson, læknir
Hallgrímur Benediktsson, læknir
Hannes Blöndal, læknir
Hrafn Tulinius, læknir
Jóhann Heiðar Jóhannsson, læknir
Kristrún Benediktsdóttir, læknir
Margrét Steinarsdóttir, líffræðingur
Páll Þórhallsson, læknir
Sigurður Ingvarsson, líffræðingur
Valgarður Egilsson, læknir
Valgerður Andrésdóttir, erfðafræðingur.
RéilarlœknisfrœðideHd
Yfirlæknir Ólafur Bjarnason, prófessor
Gunnlaugur Geirsson, læknir (starfar einn-
ig í líffærameinafræðideild).
Sýkladeild
Yfirlæknir Arinbjörn Kolbeinsson, dósent
Kristín E. Jónsdóttir, læknir
Ólafur Steingrímsson, læknir.