Árbók Háskóla Íslands - 01.01.1982, Blaðsíða 41
Læknadeild og fræðasvið hennar
39
að undirbúningi og sá um framkvæmd
þingsins.
Innlend og erlend samskipti
Starfsmenn stofnunarinnar hafa sóttýmis
námskeið og ráðstefnur og fjöldi erlendra
gesta flutt erindi á vegum stofnunarinnar.
Forstöðumaður er stjórnarformaður
Mannfræðistofnunar H.í. og Sambands
norrænna lífeðlisfræðinga. Hann á einnig
sæti í stjórn Norrænu samstarfsnefndarinn-
ar um heilsufarsrannsóknir á norðurslóð og
í ritstjórn tímarits samtakanna.
Starfsmenn
Rannsóknastofa í veirufræði
á Landspítalalóð
Háskólaárin 1979—1982 ráku Ríkisspítal-
ar og Háskóli Islands sameiginlega veiru-
rannsóknadeild í bráðabirgðahúsnæði á lóð
Landspítala með svipuðum hætti og getið er
íárbókum háskólans 1973—1979.
Árin 1979—1982 urðu ekki aðrar breyt-
ingar á rekstrinum en þær, að Ríkisspítalar
fengu heimild til að ráða aðstoðarlækni að
deildinni um áramót 1980—1981. Hkki bólar
enn á varanlegu húsnæði fyrir starfsemina,
°g engar ákvarðanir hafa enn verið teknar
þar um.
Árið 1980 skilaði stjómskipuð nefnd til-
lögum að reglugerð fyrir varanlega sam-
vinnu sýkla- og ónæmisfræðideilda Ríkis-
spítala og Háskóla íslands. Þær tillögur eru
enn í umfjöllun og hafa ekki hlotið af-
greiðslu stjóma ofangreindra stofnana.
Þyrfti sem allra fyrst að taka ákvarðanir um
framtíðarsamstarf Ríkisspítala og Háskóla
íslands á sviðum sýkla- og ónæmisfræði og
tímasetja framkvæmdir við varanlegt hús-
næði. Þetta er orðið mjög brýnt, ekki síst
vegna aðildar verkfræði- og raunvísinda-
deildar að kennsluhúsnæði og rannsókna-
aðstöðu í bakteríufræði á Landspítalalóð.
Árin 1979—1982 nýttu allir sýklafræði- og
blóðmeinafræðikennarar Háskóla íslands
eina verkkennslustofu í bráðabirgðahús-
næði veirurannsóknadeildar. Koma nú til
náms í stofunni á fjórða hundrað stúdentar
a vetri, 2 árgangar læknanema, 2 yngstu og
stærstu árgangamir á námsbraut í hjúkrun,
2 árgangar líffræðinema í 3 námskeið, mat-
vælafræðinemar og stúdentar í lyfjafræði
lyfsala. Þetta eru nærri þrefalt fleiri nem-
endur en verkkennslustofan var upphaflega
ætluð fyrir. Ríkisspítalar reka og ræsta þetta
kennsluhúsnæði á sinn reikning og þyrftu
raunar nú þegar að nota það vegna vaxandi
þjónustustarfsemi á þeim rannsóknadeild-
um, sem þeir reka í húsinu og gera sjúk-
dómsgreiningar fyrir sjúkrahús og starfandi
lækna.
Upphaflega var þetta kennsluhúsnæði
ætlað sem bráðabirgðahúsnæði í 5 ár. Það er
nú búið að gegna sinu hlutverki í 9 ár, en
mun ekki endast í annan áratug eða geta
tekið endalaust við þeirri nemendafjölgun,
sem verður í Háskóla Islands í greinum, þar
sem bakteríu-, veiru- og ónæmisfræði eru á
kennsluskrá.
Verkefni rannsóknastofu í veirufræði
Rannsóknastarfsemi á veirurannsókna-
deild hefur margfaldast þau 9 ár, sem
deildin hefur starfað. Skal hér reynt að gera
grein fyrir helstu verkefnum, sem unnið var
að háskólaárin 1979—1982:
1) Rannsóknir á ónœmisástandi íslenskra
kvenna gegn rauðum hundum voru enn sem
fyrr stærsta og tímafrekasta verkefnið, sem
að var unnið. Þær rannsóknir hófust haustið
1972. í ársbyrjun 1979 var áætlað, að rann-
sakað hefði verið ónæmisástand um 20.000
kvenna og telpna á aldrinum 12—46 ára.