Árbók Háskóla Íslands - 01.01.1982, Side 44
42
Árbók Háskóla íslands
þjóð, hitt á sýklafræðideild Edinborgarhá-
skóla. Árið 1980 flutti Margrét tvö erindi
erlendis um rauðuhundavinnu á deildinni,
annað á Statens Seruminstitut í Kaup-
mannahöfn, hitt á þingi norrænna og
breskra smitsjúkdómafræðinga í St. And-
rews í Skotlandi. í sömu ferð heimsótti
Margrét nokkrar veirurannsóknastofur í
Bretlandi og sótti alþjóðaþing um varnir
gegn mænusótt og mænusóttarbóluefni í
Utrecht í Hollandi.
Veturinn 1981 var Margrét andmælandi
við doktorsvöm við Helsinkiháskóla og
flutti þar tvö erindi um hæggengar veiru-
sýkingar.
Haustið 1981 tóku starfsmenn veirurann-
sóknadeildar þátt í þingi evrópskra veiru-
fræðinga í Stirling í Skotlandi. Þar fluttu
þær Auður Antonsdóttir og Sigríður Guð-
mundsdóttir erindi um rannsóknir á rauðu-
hundafaraldrinum 1978—1979 og rann-
sóknir á ónæmisástandi íslenskra kvenna
gegn rauðum hundum. Þær fluttu síðan
báðar erindi um sömu efni á námskeiði
læknafélaganna í blóðmeina- og örveru-
fræði haustið 1981.
Vinna frá veirurannsóknadeild hefur
einnig verið kynnt á tveimur ráðstefnum
Líffræðifélags íslands, árin 1979 og 1981.
Síðari ráðstefnan fjallaði um rannsóknir í
örverufræði á íslandi og fluttu þær Auður,
Sigríður og Margrét allar þar erindi. Að
auki flutti Margrét nokkur fræðsluerindi
fyrir heilbrigðisstarfsmenn þau háskólaár,
sem hér um ræðir.
Tvö norræn þing um ónæmisaðgerðir
voru haldin árin 1979—1982, þing í Osló
1980 og þing í Stokkhólmi 1982. Á þessu
sviði heilbrigðisþjónustu hefur lengi verið í
gangi virkt norrænt samstarf og eru
haldnir reglulegir fundir a.m.k. annað hvert
ár. Margrét Guðnadóttir sótti bæði þessi
þing og gerði þar grein fyrir vinnu frá
rannsóknastofu í veirufræði vegna eftirlits
með ónæmisaðgerðum hér, bæði ónæmis-
aðgerðum gegn inflúensu, mislingum,
mænusótt og rauðum hundum. Margrét
sótti einnig alþjóðaþing veirufræðinga í
Strassburg 1981 og í tengslum við það
vinnufund um rannsóknir á mæði-visnu
í Kehl í Þýskalandi, síðan alþjóðaþing um
rannsóknir á herpesveirum í Lyon í Frakk-
landi haustið 1981 og alþjóðaþing smitsjúk-
dómafræðinga í Stokkhólmi vorið 1982.
Auk alls þess mikla efnis, sem flutt hefur
verið á ofangreindum ráðstefnum, hafa
tækja- og bókasýningar verið haldnar í
tengslum við þær. Þama gefst því mjög gott
tækifæri til að viðhalda þekkingu og kynn-
ast nýjungum á sviði veirufræði. Háskóli
íslands hefur lítinn þátt tekið í kostnaði við
ofangreind ferðalög.
Margrét Guðnadóttir
Rannsóknastofa í ónæmisfræði
Aðdragandi
Árið 1972 fór stjóm læknaráðs Land-
spítalans þess á leit við ráðherra heilbrigð-
ismála, að sett yrði á stofn rannsóknastofa í
ónæmisfræði. í apríl 1973 var að tilmælum
formanns læknaráðs Landspítalans og for-
seta læknadeildar gengið frá áætlun um
byggingu og rekstur slíkrar rannsóknastofu.
Árið 1975 var Helgi Valdimarsson skipaður
dósent í ónæmisfræði við læknadeild há-
skólans, en vegna skorts á aðstöðu til rann-
sókna í þessari grein hérlendis var gerður
um það samningur við háskólann, að Helgi
annaðist kennslu fyrir læknanema, en starf-
aði að öðru leyti áfram erlendis, þangað til
grundvöllur hefði skapast fyrir rannsókna-
starfsemi í ónæmisfræði hér á landi. í
samningnum var einnig gert ráð fyrir að