Árbók Háskóla Íslands - 01.01.1982, Blaðsíða 49
Læknadeild og fræðasvið hennar
47
Tilraunastöð háskólans í meinafræði, Keldum
Starfslið
Nokkrai breytingar hafa orðið á starfsliði
Tilraunastöðvarinnar. Haustið 1982 unnu
þar 14 háskólamenntaðir sérfræðingar auk
forstöðumanns, en starfsmenn voru alls 32
auk sumarmanna. Meðal þeirra sem bæst
hafa í hópinn má nefna Guðrúnu Agnars-
dóttur lækni, M.R.C.P., Ólaf Andrésson,
Ph-D„ lífefnafræðing, Jón Eldon, M.Sc.,
Hffræðing, Völu Friðriksdóttur, M.Sc.,
ónæmisfræðing, og Bjöm Þorsteinsson líf-
fræðing. Guðmundur Georgsson, dr. med.,
sem skipaður var prófessor í vefjafræði við
læknadeild 1. ágúst 1980, fékk lausn frá því
starfi að eigin ósk 1. september 1981 og
hvarf þá aftur til fyrri starfa sem sérfræð-
'ngur á Tilraunastöðinni. Meðal þeirra sem
unnu um tíma á Tilraunastöðinni á þessu
árabili voru Björg Rafnar læknir, Karl
Skírnisson líffræðingur, Guðmundur Þórð-
arson líffræðingur, Sigurbjörg Þorsteins-
dóttir líffræðingur og Sigurður Magnússon
Hffræðingur. Bergljót Magnadóttir líffræð-
ingur, sem starfað hefur um árabil á stofn-
uninni, lauk meistaraprófi (M.Sc.) frá
Queen’s University í Belfast 8. júlí 1981.
Ritgerð hennar fjallaði um rannsóknir, sem
unnar voru á Keldum, á garnaveikisýklum
°g blóðprófum vegna garnaveiki. Guðný
Eiríksdóttir, M.Sc., lífefnafræðing ur, sem
unnið hefur á Tilraunastöðinni um árabil,
hætti störfum 1. maí 1981.
Viðfangsefni
Verkefni Tilraunastöðvarinnar hafa verið
allfjölþætt sem fyrr og má greina eftirtalin
verkefnasvið:
T Framleiðsla bóluefnis og sermis
Stofnunin framleiðir ýmsar tegundir
óluefna við sýklasjúkdómum í sauðfé, og
var fjöldi seldra skammta 1981 þessi:
Skammtar
Garnaveikibóluefni 130.260
Gamapestarbóluefni 56.620
Lungnapestarbóluefni 116.800
Bráðapestarbóluefni 470.520
Lambablóðsóttarbóluefni 760.600
Lambablóðsóttarsermi 401,100
Samtals 1.935.900
Árið 1982 hófu Færeyingar bólusetningu
við gamaveiki í sauðfé og kusu að nota ís-
lenskt bóluefni, sem Tilraunastöðin lætur
þeim í té. Þess má geta, að slíkt bóluefni
hefur verið sent til Indlands, og fyrirspurnir
hafa borist frá Chile. Tilraunastöðin hefur
einnig annast innflutning og dreifingu ým-
issa lyfja gegn sníkjudýrum í búfé. Árið
1981 nam sala slíkra lyfja 898.233 skömmt-
um.
Páll A. Pálsson yfirdýralæknir hefur yfir-
umsjón með bóluefnisframleiðslu stofnun-
arinnar.
II. Þjónusturannsóknir og ráðgjöf í þágu
landbúnaðarins
Stofnunin sér um greiningu sjúkdóma í
búfé með krufningum, líffæraskoðun,
vefjarannsókn, sýklaræktun, mótefnamæl-
ingum. efnamælingum í blóði og líffærum,
ensímmælingum og greiningu sníkjudýra.
Auk hinna hefðbundnu viðfangsefna hefur
verið reynt á síðustu árum að sinna þörfum
nýrra búgreina t.d. fiskeldis og loðdýra-
ræktar. Komið hefur verið upp rafdráttar-
aðferð til þess að greina mótefni í veiru-
sjúkdómi í minkum, svokallaðri plasmacyt-
osis, og kom í ljós að sýking þessi er mjög
útbreidd í minkastofni landsmanna. Þá
hefur verið komið upp aðferðum til að
mæla hormón í blóði úr fylfullum hryssum
vegna útflutnings til lyfjaframleiðslu. Blý og
cadmíum hefur verið mælt í sláturafurðum
vegna útflutnings.