Árbók Háskóla Íslands - 01.01.1982, Blaðsíða 74

72
Árbók Háskóla íslands
slík útgáfa væri stofnuninni ofviða sakir
kostnaðar, nema sérstök fjárhagsaðstoð
kæmi til með einhverjum hætti.
Haustið 1979 kom Sverrir Kristinsson
bókaútgefandi að máli við forstöðumann
Ámastofnunar og bauð fram fjárhagslegan
stuðning til að ljósprenta handrit í eðli-
legum litum. Eftir nokkrar viðræður varð
niðurstaða sú að stofnunin gerði formlegan
samning við Sverri um litprentun Skarðs-
bókar og síðan hugsanlega fleiri handrita.
Sett var á fót fimm manna útgáfustjórn, þar
sem Árnastofnun á þrjá fulltrúa, en Sverrir
Kristinsson eða útgáfufyrirtæki hans tvo,
og síðan er forstöðumaður Árnastofn-
unar aðalritstjóri verksins. Af hálfu Sverris
voru kjömir í útgáfustjórn dr. Kristján Eld-
jám og Sigurður Líndal prófessor, en af
hálfu Ámastofnunar þrír sérfræðingar
hennar, Jón Samsonarson, Ólafur Hall-
dórsson og Stefán Karlsson. Guðni Kol-
beinsson, styrkþegi stofnunarinnar, var
ráðinn til að annast daglega umsjón með
undirbúningi og framkvæmd útgáfunnar.
Ritröðin ber heitið íslensk miðaldahandrit,
með undirtitli á latínu: Manuscripta Island-
ica Medii Aevi. Leifur Þorsteinsson ljós-
myndaði handritið, Prentmyndastofan h.f.
litgreindi myndimar, Kassagerð Reykjavík-
ur prentaði bókina, og Bókfell batt hana
inn. Bókin kom út snemma árs 1981, og
tengdist hún þannig 700 ára afmæli Jóns-
bókar, en hún var lögtekin á Alþingi árið
1281.
Handritasýningar
Ný handritasýning var sett upp í júní
1981, og var hún sérstaklega helguð Jónsbók
í tilefni af því að liðin voru 700 ár frá því að
hún var lögtekin á Alþingi. Mörg merk og
fögur Jónsbókarhandrit voru um þessar
mundir komin heim frá Kaupmannahöfn,
og voru valin úr þeim fjölbreytt sýnishom til
að hafa á sýningunni. Jafnframt voru útbúin
ný veggspjöld með skreytingum úr Jóns-
bókarhandritum.
Á sama ári voru einnig liðin tíu ár frá
heimkomu fyrstu handritanna, Flateyjar-
bókar og Konungsbókar eddukvæða, og
þótti sjálfsagt að hafa þau einnig á hinni
nýju handritasýningu. Afmælis handrita-
komunnar var einnig minnst með sérstakri
hátíðarsamkomu í hátíðasal Háskólans 21.
apríl 1981. Forstöðumaður Árnastofnunar
flutti erindi og rakti sögu handritamálsins.
Starfsmenn stofnunarinnar lásu upp úr
fornritum, og leikin var tónlist frá 17. öld.
Handritasýningin var síðan opin með
venjulegum hætti þessi ár, á þriðjudögum,
fimmtudögum og laugardögum kl. 2-4,
frá miðjum júní fram í miðjan september.
Auk þess eru sýningar iðulega opnaðarfyrir
hópum ferðamanna eða öðrum góðum
gestum. Á vetrum er og algengt að skóla-
börn komi í fylgd kennara sinna til að skoða
handritin, og er greiðlega lokið upp fyrir
þeim.
Vorið 1979 var haldin „Snorrasýning" í
Bogasal Þjóðminjasafnsins, til að minnast
þess að átta aldir voru liðnar frá fæðingu
Snorra Sturlusonar. Að sýningunni stóðu
Ámastofnun, Landsbókasafn og Þjóð-
minjasafn. Þar voru sýnd ýmis merk hand-
rit, meðal annarra Flateyjarbók og Möðru-
vallabók.
Bóka- og handritagjafir
Á þessu tímabili bárust Árnastofnun
ýmsar góðar gjafir, að nokkru leyti í fram-
haldi þess sem áður var til stofnað (ritraðir
o.þ.h.). Eftirfarandi gjafa skal sérstaklega
getið:
Andrés G. Þormar, fyrrverandi aðalgjald-
keri, og kona hans Guðlaug Gunnarsdóttir
höfðu árið 1966 boðið Handritastofnun
Islands að gjöf leikritasafn sitt, og var
gjafabréfið undirritað 31. des. 1966. Var þar
um að ræða fullkomnasta safn íslenskra
leikrita í einkaeigu. Með bréfi 1. okt. 1979
tjáði Andrés stofnuninni að hann mundi
láta fylgja gjöfinni mikið safn af leikskrám.