Árbók Háskóla Íslands - 01.01.1982, Page 76
74
Árbók Háskóla íslands
almenna stjórnun. Einn ritari hefur verið á
skrifstofu deildarinnar, Lilja Þorleifsdóttir,
sem kom til starfa sumarið 1980.
Deildin varð fyrir því áfalli, að hús- og
tækjavörður í húsi verklegu kennslunnar í
efna- og eðlisfræðiskor, VR-1, Sigtryggur
Guðmundsson, lést skyndilega árið 1982.
Deildinni er mikil eftirsjá að Sigtryggi. 1
hans stað var Haraldur Þórðarson ráðinn til
starfa fyrir efnafræðiskor, en ný fjárveiting
hafði fengist til að ráða starfsmann til við-
halds tækja og aðstoðar við verklega
kennslu á vegum eðlisfræðiskorar og raf-
magnsverkfræðiskorar. Steinþór Björgvins-
son hefur nú verið ráðinn í það starf.
Kennsla
Á árunum 1979—1982 varð ekki nein
veruleg aukning á kennslu í deildinni.
Fjölgaði kenndum námskeiðum ekki nema
um 1—3 í hverri skor. Framboð á valnám-
skeiðum jókst þó lítið eitt meira, t.d. á 4. ári í
rafmagnsverkfræði, en það þýddi ekki nema
að hluta fjölgun kenndra námskeiða.
Eftirfarandi tafla sýnir fjölda framboð-
inna og kenndra námskeiða, svo og náms-
eininga, í hverri skor deildarinnar fyrir sig
háskólaárið 1981—1982. Við samanburð á
henni og samsvarandi töflu fyrir háskólaár-
ið 1978—1979, sem er í síðustu Árbók HÍ,
ber að hafa í huga, að hér eru talin með
skyldubundin prófverkefni og námsferðir,
sem ekki ergert í töflunni 1978—79. Skapar
þetta mestan mun í jarðfræðiskor vegna
fjölda námsferða þar. Þá sést í þessari töflu,
hve mörg námskeið, sem eru í kennsluskrá,
voru ekki kennd á kennsluárinu.
Tafla 1 Fjöldi námskeiða og námseininga kennsluárið
1981—1982
Haustmisseri Vormisseri Samtals Ekki kennd á
kennsluárinu
Nám- skeið Ein- ingar Nám- skeið Ein- ingar Nám- skeið Ein- ingar Nám- skeiö Ein- ingar
Stærðfræðiskor 22 67 22 69 44 136 6 19
Eðlisfræðiskor 14 46 12 43 26 89 5 13
Efnafræðiskor 13 49 15 60 28 109 4 15
Byggingarverkfr.skor 14 38 16 44 30 82 1 2
Vélaverkfræðiskor 16 43 17 47 33 90 3 9
Rafmagnsverkfræðiskor 17 40 17 45 34 85 5 10
Líffræðiskor 15 51 21 75 36 126 3 10
Jarðfræðiskor 27 67 24 64 51 131 7 19
Alls 138 401 144 447 282 848 34 97
Kennarar
Fastar kennarastöður við deildina á fjár-
lögum fyrir árið 1982 voru 58 og hafði þeim
fjölgað um 3 frá 1979 (1976—1979 fjölgaði
þeim einnig um 3 þannig að deildin hefur
fengið að meðaltali eina nýja, fasta kenn-
arastöðu á ári s.l. 6 ár). Þær stöður, sem
bættust við á þessu tímabili, voru
prófessorsembætti í tölvunarfræði (1982),
dósentsstaða í matvælafræði (1982) og
dósentsstaða í rafmagnsverkfræði (1981).
Meðfylgjandi tafla, sem er miðuð við 1.
júlí 1982, sýnir hvernig fastar kennarastöður
við deildina skiptust þá eftir stöðuheitum og
skorum. (Þar sem breytingar hafa orðið eru
samsvarandi tölur frá 1979 í svigum):