Árbók Háskóla Íslands - 01.01.1982, Page 91
Verkfræði- og raunvísindadeild og fræðasvið hennar
89
Áfram var fylgst með hraða molnunar og
lögunarbreytinga á seti á strönd Eldfells-
hrauns á Heimaey.
í samvinnu við sovéska jarðfræðinga var
unnið að rannsóknum á setfræðilegu um-
hverfi á Vestfjörðum á tertíer. Jafnframt
hefur verið safnað gögnum um setmyndun á
tertíer á Vatnsnesi.
Aldursákvarðanir jarðlaga með kalí-
um/argon aðferð
Unnið er að aldurákvörðunum jarðlaga
með kalíum/argon aðferð víðs vegar á
landinu með tilliti til (1) upphafs, tíma-
lengdar og skiptingar ísaldar, (2) saman-
burðar á jarðlagasniðum ýmissa svæða og
raunverulegum aldri í stað afstæðs, og (3) að
greiða úr og endurmeta eldri niðurstöður.
Svæði sem einkum var unnið á voru
Tjörnes, Skagi og Víðidalur, svo og Suð-
austurland. Einnig hefur verið unnið að
aldursákvörðunum sýna úr borkjarna frá
Reyðarfirði, svo og sýna frá Breiðadals-
heiði. Rannsóknir þessar voru að hluta til
unnar í samvinnu við jarðeðlisfræðideild
Háskólans í Cambridge í Englandi.
Byggðalandafræði, söguleg landafræði
Rannsóknir á breytingum á byggð og bú-
setu á íslandi á tuttugustu öld: Rannsókn-
unurn er einkum ætlað að leiða í ljós áhrif
hreytinganna á lífskjör og lífsskilyrði í
byggðum, þar sem fólki hefur fækkað.
Rannsakaðar hafa verið sögulegar heimild-
lr’ svo sem manntöl, jarðatöl, prestsþjón-
ustubækur o.fl. með það fyrir augum að
kanna, hvernig megi nýta þær til þess að
Varpa ljósi yfir búnaðarhætti og byggða- og
félagslandfræðileg viðfangsefni.
Rortagerð, landnýting, fjarkönnun
T Á árunum 1980 og 1981 var unnið að
groðurkortagerð (samkv. samningi við
Rannsóknastofnun landbúnaðarins) og
stjórnað m.a. vettvangsvinnu við kortagerð í
suðurhluta Strandasýslu 1980 og á Mýrum
og austanverðu Snæfellsnesi 1981. Einnig
var endurskoðað gróðurkort af utanverðum
Reykjanesskaga.
2. Um nokkurra ára skeið hefur verið
unnið að tilraunum við gerð landnýtingar-
korta og flokkun lands og landsnytja, eink-
um í Reykjavík og nágrenni.
3. Unnið var að því að prófa mismunandi
rannsókna- og úrvinnsluaðferðir við land-
greiningu og flokkun gróðurs eftir Landsat
gervihnattamyndum.
Þjónustuverkefni, ráðgjafarstörf
Hér verða nefnd fáein dæmi um þjón-
ustuverkefni:
Unnið var að rannsóknum á vegarstæði í
Ólafsvíkurenni og á jarðgangaleiðum í
gegnum Ólafsfjarðarmúla fyrir Vegagerð
ríkisins.
Landnýting á austursvæðum Reykjavíkur
var athuguð og gert landnýtingarkort í
mælikvarða 1 : 10 000 fyrir Borgarskipulag
Reykjavíkur. Það kom út 1981.
Á árinu 1980 tók Raunvísindastofnun að
sér efnagreinlngu á um 120 sýnum af vatni
frá Madagaskar vegna jarðhitaleitar á veg-
um Sameinuðu þjóðanna, en verkið var
unnið að öðru leyti af Verkfræðistofunni
Virki hf. Því lauk í árslok 1980.
Tækjasmíði
Jafnan er fengist við hönnun og smíði
tækja í sambandi við rannsóknastarfsemina.
Meðal tækja, sem smíðuð hafa verið, eru
íssjá til jökla-þykktarmælinga, vindraf-
stöðvar til að knýja mælistöðvar á fjöllum
uppi, hitastýri- og gasstýribúnaður fyrir til-
raunaofna og mælistöðvar fyrir gasút-
streymi á jarðhitasvæðum.
Gylfi Már Guðbergsson