Árbók Háskóla Íslands - 01.01.1982, Page 96

94
Árbók Háskóla íslands
ingi háskólans og félagsins. Útgáfa alman-
aksins er nú í umsjá deildarstjóra hálofta-
deildar og er verulegur hluti af starfi hans.
Þessum þætti starfsins fylgir töluverð þjón-
ustustarfsemi vegna tíðra fyrirspurna frá
útgefendum annarra almanaka, einstakl-
ingum, fyrirtækjum og opinberum stofnun-
um.
Fjármál
Rekstur segulmælingastöðvarinnar er
kostaður af framlagi á fjárlögum til Raun-
vísindastofnunar. Fjárreiður almanaksins
eru hins vegar í umsjá Bókaútgáfu Menn-
ingarsjóðs og Þjóðvinafélagsins, sem sér um
dreifingu ritsins til bóksala og skilar reikn-
ingsyfirliti til háskólans.
Ráðstefnur og heimsóknir
Ár hvert halda segulmælingamenn frá
Norðnrlöndum mælingamót til að bera
saman tæki og niðurstöður. Árið 1980 var
slíkt mót haldið í fyrsta sinn í segulmæl-
ingastöðinni í Leirvogi. Undirbúningur þess
hófst þegar á árinu 1979 og reyndist mikið
verk, þar sem koma þurfti upp aðstöðu til
mjög nákvæmra samanburðarmælinga.
Mótið var haldið í ágúst og tókst með ágæt-
um. Sóttu það þátttakendur frá öllum
Norðurlöndunum.
Árið 1981 heimsótti deildarstjóri tvær
segulmælingastöðvar í Bretlandi (í Hartland
og Eskdalemuir) og gerði þar samanburð-
armælingar með tækjum úr Leirvogsstöð-
inni. Sama ár kom hingað til lands segul-
mælingaflugvél frá Sjómælingastofnun
Bandaríkjanna til að kanna segulsvið yfir
Leirvogsstöðinni. Var þetta liður í rann-
sóknaáætlun undir nafninu „Project Magn-
et“. Nokkrir af starfsmönnum Raunvís-
indastofnunar þáðu boð um að kynna sér
tækjabúnað vélarinnar.
Árið 1982 sótti deildarstjóri norrænt seg-
ulmælingamót í Nurmijarvi í Finnlandi.
Þorsteinn Sœmundsson
5. Reiknifræðistofa
Rannsóknarstarfsemi reiknifræðistofu
má skipta í tvo meginþætti. Annars vegar er
um að ræða almennar fræðilegar rann-
sóknir á sviðum er undir stofuna heyra, en
það eru aðgerðargreining, tölfræði, töluleg
greining og tölvunarfræði. Hins vegar er
unnið að margvíslegum hagnýtum verkefn-
um. Hafa þessar hagnýtu rannsóknir eink-
um beinst að fiskifræði og sjávarútvegsmál-
um, læknisfræði og jarðeðlisfræði. Auk þess
sinna starfsmenn þjónusturannsóknum að
nokkru, oftast þá í samvinnu við Reikni-
stofnun háskólans.
Starfsmenn reiknifræðistofu voru þeir
fjórir kennarar stærðfræðiskorar, sem starfa
innan fræðasviða stofunnar: Þorkell Helga-
son, sem var forstöðumaður stofunnar á
tímabilinu, Ottó J. Björnsson, Sven Þ. Sig-
urðsson og Oddur Benediktsson. Einnig
starfaði Magnús Magnússon, prófessor í
eðlisfræði, við stofuna. Þá voru við stofuna
tvær sérfræðingsstöður, sem ráðið var í til
takmarkaðs tíma. { þessum stöðum voru
Kjartan G. Magnússon stærðfræðingur,
Ragnar Árnason hagfræðingur, Þórður
Jónsson eðlisfræðingur og Björn Æ. Stein-
arsson fiskifræðingur. Auk þess voru stúd-
entar í hlutastarfi, og forritunarþjónusta sótt
til Reiknistofnunar. Loks naut stofan góðs
af samstarfi við marga aðila innan og utan
háskólans, og er þar sérstök ástæða til að
geta Guðmundar Guðmundssonar, töl-
fræðings hjá Seðlabanka tslands,. sem átti
drýgstan þátt í lausn margvíslegra tölfræði-