Árbók Háskóla Íslands - 01.01.1982, Page 168
Háskólabókasafn
Yfirlit það sem hér fer á eftir tekur til
almanaksáranna 1980—1981. Áður hafa
komið út ársskýrslur Háskólabókasafns
fyrir hvort þessara ára um sig. Hér er því um
að ræða samsteypu og um leið útdrátt úr
þessum tveimur skýrslum, sem báðar eru
fáanlegar 1 safninu.
1. Inngangur
1. nóvember 1940 opnaði þáverandi há-
skólarektor, Alexander Jóhannesson, Há-
skólabókasafn í hinni nýju byggingu há-
skólans. Þar með var safnið formlega stofn-
að, en áður höfðu einstakar deildir haft
nokkurn bókakost á sínum vegum.
Fjörutíu ára afmælisins árið 1980 var
minnst nokkuð í fjölmiðlum. Einkum var
reynt að varpa ljósi á stöðu safnsins og
hlutverk nú og í næstu framtíð. Umfang
safnþjónustunnar hefur aukist mjög mikið
síðustu einn til tvo áratugina. Er hvort
tveggja, að háskólinn hefur tekið upp
kennslu í fræðigreinum, sem ekki voru
stundaðar áður hér á landi, og aðrar greinar
færst inn í háskólann, þótt áður hafi verið
stundaðar að einhverju marki af öðrum að-
ilum hér á landi.
Svo mjög er erlendur bókakostur tak-
markaður í söfnum hérlendis, að aðföng
þeirra 10—13 bókasafna, sem taka þátt í
Samskrá, nemur á 10 ára bilinu 1970—79
einungis um 50 þús. bindum. Þar af er
rúmlega helmingur í Háskólabókasafni.
Háskólabókasafn og Landsbókasafn
efndu 1980 sameiginlega til bókagjafar til
handa Landsbókasafni Færeyja og hlutu til
þess opinberan styrk. Gjöfin, sem nemur
um 300 bindum, er gefin í minningu 150 ára
afmælis safnsins 5. nóvember 1978 og í
þakklætisskyni fyrir færeyska bókagjöf í til-
efni byggðarafmælisins 1974(sjáÁrbók H.í.
1976—79, s. 247). Finnbogi Guðmundsson
afhenti bókagjöfina 25. júní 1980 í hinni
nýju bókhlöðu Landsbókasafns Færeyja, en
hún var formlega tekin í notkun síðar á
árinu.
Samstarfsnefnd um upplýsingamál skip-
aði 24. febrúar 1981 þriggja manna tölvu-
nefnd, sem hefur það hlutverk að leggja á
ráðin um tölvuvæðingu í íslenskum rann-
sóknarbókasöfnum. Frá Háskólabókasafni
er Þórir Ragnarsson í nefndinni, og er hann
formaður hennar. Starfið beinist fyrst um
sinn að því að fullmóta þá tölvuvæðingu
íslenskrar bókaskrár, sem þegar er hafin í
Landsbókasafni, en síðan er ætlunin að búa
í haginn fyrir tölvuskráningu erlendra að-
fanga, og kemur þá enn frekar til kasta Há-
skólabókasafns.
2. Starfslið
Háskólabókavörður: Einar Sigurðsson,
cand. mag.
Deildarbókavörður: Þórir Ragnarsson,
Dipl. Lib.
Bókaverðir: Guðrún Karlsdóttir, Dipl-
Lib. (fullt starf til 1. júlí 1980, síðan tveir
þriðju starfs), Halldóra Þorsteinsdóttir, lic.
és lettres (frá 1. des. 1981), Ingi Sigurðsson,
Ph.D. (til 1. júní 1981, hálft starf), Ingibjörg
Ámadóttir, B.A. (frá 1. des. 1981), Ingibjörg
Sæmundsdóttir, B.A. (hálft starf), Óskar
Árni Óskarsson, Sigbergur Friðriksson,
B.A., Sigríður Lára Guðmundsdóttir, cand.
mag., Steingrímur Jónsson, B.A. (til 20. okt.
1981), Þorleifur Jónsson, Ph.D. (hálft starf).