Hugur - 01.06.2002, Qupperneq 26

Hugur
Mikael Karlsson ræðir við Donald Davidson
speki. Hún er bara ein gagnleg nálgun við fjölda vandamála. Nú,
seinni spurningin varðar tengslin á milli máls og hugsunar og þar hef
ég mjög ákveðna skoðun sem er sú að skepna geti ekki haft merking-
arbærar hugsanir án þess að búa yfir tungumáli. Margir heimspek-
ingar telja að þetta geti einfaldlega ekki verið rétt. Ég er auðvitað
ekki að segja að við getum ekki hugsað neitt sem við getum ekki tjáð
í tungumáli. Það er rangt. Þú getur hugsað ýmislegt sem þú veist ekki
hvernig þú átt að koma orðum að. Svo að skoðun mín er einungis sú
að maður verði að búa yfir máli til að geta haft hugsanir. Og það er
ekki það sama og að segja að sérhver hugsun verði í eðli sínu að vera
á tungumáli, svo er vissulega ekki. Astæðan fyrir þessari skoðun er í
meginatriðum sú að ef við höfum ekki samskipti við aðrar hugsandi
verur, þá er engin leið til að höndla andstæðuna á milli sannleika og
ósanninda. Og án þess getur ekki verið um neina hugsun að ræða.
Hugsanir hafa sanngildi, jafnvel þótt við höfum ekki alltaf áhuga á
því hvert sanngildi þeirra sé.
Er eitthvað sem þú vildir ræða í þessu viðtali sem við höfum ekki snert
á, eða hefurðu einhverjar lokahugleiðingar sem þú vilt skilja okkur
eftir með?
Eiginlega ekki. Ég held að við lifum nú tímabil í sögu heimsins þar
sem heimspekingar hafa líklega ekki mikil áhrif á gang mála og það
veldur mér vonbrigðum og fyllir mig vanmáttarkennd.
Islensk þýðing: Geir Þ. Þórarinsson
24