Morgunn - 01.06.1937, Side 12

6
MORGUNN
fimm af hundraði sæki að staðaldri kirkju nú með Bret-
um. Þeir eru taldir trúræknasta þjóð Norðurálfunnar.
Annars tel eg það ekki mitt verk að halda uppi svör-
um fyrir íslenzka kristni. Það stendur öðrum mönnum
nær, enda þeir sjálfsagt betur til þess fallnir, meðal ann-
ars fyrir kunnugleika sakir. Eg á auðvitað við prestana.
Þeim hlýtur að vera manna kunnugast um trúarástandið
í landinu. Ef þeir segðu eitthvað frá reynslu sinni í þeim
efnum, mundi það þykja merkilegt, þar sem aftur á móti
ummæli Hallesbys um þessi efni eru að engu hafandi. Eg
veit ekki, hvort nokkur prestur hér á landi finnur hjá sér
nokkura köllun til þess að taka til máls opinberlega í til-
efni af þessum stóradómi Norðmannsins. Eg veit jafnvel
ekki, hvort þeir eru honum sammála eða ósammála. Vit-
anlega er það talið kirkjunnar verk, að halda kristindómn-
um sem bezt lifandi með þjóðinni. Eg veit ekki hvort ís-
lenzkir prestar líta svo á, að þeirri kirkju, sem þeir þjóna,
hafi mistekist svo hrapallega, sem Hallesby segist frá.
Það má vel vera, að þeim finnist Hallesby fara með mikla
speki. Þeir hafa að minsta kosti ekki flýtt sér að andmæla.
Þeir hafa hleypt leikmanni, Snæbirni Jónssyni bóksala, á
undan sér á þessu sviði. Þeir eru ekki mikið fyrir það
gefnir að taka til máls, þó að öðrum út í frá virðist ekki
ástæðulaust, að eitthvað sé sagt frá prestanna sjónarmiði.
Með örfáum undantekningum er það þeirra sérgrein að
þegja, enda er það næðissamast og ef til vill þeim holl-
ast. Eg legg engan dóm á það. Þeir um það.
Það er ekki heldur vegna ummæla Hallesbys um krist-
indómsástandið í landinu, að eg tek til máls hér í kvöld.
Það er vegna ummæla hans um prófessor Harald Níels-
son. Reyndar finst mér, að þó að við værum vinir og að
sumu leyti samverkamenn, þá standi það öðrum eins nærri
og mér að taka svari hans, þegar borinn er á hann óhróð-
ur út af starfi hans fyrir kristni þjóðarinnar. Það virðist
engin fjarstæða að búast við því, að annaðhvort guðfræði-
deild háskólans eða einhverjir af hinum mörgu lærisvein-