Morgunn - 01.06.1937, Page 57
MORGUNN
51
ar þessum rannsóknum verður lokið, þá verði unt að kom-
ast að ályktunum um sambandsástandið, sem ókleift var
að komast að, áður en þessi verkfæri voru fundin upp.
Áhöld vor hafa líka sýnt, að meðan á sambandsástandi
stendur, breytist hitastig miðilsins, svo að það verður yfir-
venjulegt, og vér vitum líka, að þyngd miðilsins og fundar-
manna breytist svo mikið, að sú breyting er yfir-venju-
leg. Alt þetta hefir Dr. Nandor Fodor skrásett vandlega.
Hann er rannsóknarstjóri alþjóðastofnunar fyrir sálar-
rannsóknir og er einkar vel vaxinn því starfi.
Eftir nokkura mánaða undirbúning og umhugsun
tókst okkur nýlega í alþjóðastofnuninni að ná kvikmynd
af hlut, sem var að hreyfast án þess að nokkuð sýnilegt
hefði við hann komið.
I þetta skipti fengum við samanhangandi mynd af
blómi, er tekið var úr keri, sem stóð á miðju gólfi; blómið
var flutt nokkur fet upp í loftið, og því næst datt það nið-
ur nokkuð frá kerinu og langt frá miðlinum.
Þessi mynd hefir verið tekin mjög nýlega og rann-
sóknarstjórinn og aðstoðarmenn hans eru nú að rannsaka
hana með smásjá. Hún verður stækkuð svo mikið, að ef
um nokkur brögð hefir verið að tefla við tilfærslu blóms-
ins, þá hlýtur það að verða uppgötvað.
Með slíkum aðferðum ættum vér með tímanum að
geta fengið betri skilning á því, sem margir menn halda
að gerist á svo mörgum tilraunafundum, þar sem fundar-
menn geta ekki séð með sínum eigin augum, af því að
fyrirbrigðin gerast annað hvort í myrkri eða í mjög
daufu ljósi.
Nú höfum vér ljósmyndavél, sem getur séð í myrkri
með út-rauðu ljósi. Enginn þarf mikið ímyndunarafl til
þess að gera sér grein fyrir því, hvernig myndataka með
út-rauðu ljósi hlýtur að sanna áreiðanleik sálrænna fyrir-
brigða, eða að hinu leytinu að þau stafi af svikum.
Þar sem vér getum nú skrásett það, sem gerist í
myrkrinu, þá verður það ljóst, sem áður var leyndardóms-
4*