Morgunn - 01.06.1937, Blaðsíða 29

MORGUNN
23
—Hann huggar enn sorgbitna ef þeir leita hans, hann leið-
beinir enn þeim, sem hafa vilst af réttri leið, ef þeir fást
til að hlusta á hann, hann styður enn hina veiku, og hann
er enn öruggur leiðsögumaður allra þeirra, sem leita Jesú
frá Nazaret. Hann er bróðir okkar allra og vinur, sem við
getum ávalt talað við um vandamál okkar og sorgir.
Á bekk hjá síra Hallgrími Péturssyni höfum við ís-
lendingar flestir vísað síra Haraldi Níelssyni til sætis, í
trausti þess, að hann yrði samtímismaður, ráðgjafi, vin-
ur og leiðsögumaður eigi færri kynslóða en Hallgrímur
Pétursson. Okkur ber því bæði skylda og höfuðnauðsyn til,
að hrinda aftur hverju því ámæli sem ómaklega er kast-
að á nafn hans, svo að við getum ávalt varðveitt minn-
ingu hans hreina og óflekkaða, svo sem honum sæmir, sem
höfuðpresti sinnar aldar, og því ber eg fram ályktun þá,
sem fundarstjórinn las ykkur nú fyrir skemstu, svo að
ykkur gefist kostur á að stuðla að því, að þetta megi tak-
ast að verðleikum.
Hallgrímur Jónasson kennari tók næstur til máls:
Þegar þess er minst, hversu frjálsborin hugsun og
gagnrýnandi athugun á mörgum þeim málum, er nefnd
hafa verið eilífðarmál, hafa sætt tíðu og þrálátu aðkasti
ýmsra þeirra manna, sem fella vilja þau efni öll í um-
gerð einhæfra og kreddubundinna trúarskoðana, og þegar
þess er gætt, hve almenningur hefir mætt því aðkasti með
miklu fálæti, þá kann einhverja að furða á tilefni þessa
fundar.
Það er svo sem ekki í fyrsta sinni, sem okkur er borið
á brýn fráhvarf frá kristindómnum. Öfgafullir heitttrúar-
menn hafa þráfaldlega gert það, bæði hérlendir og er-
lendir. Og slíkum áfellisorðum hefir oftar verið látið ósvar-
að en hitt, að þeim væri gegnt að nokkuru.
En hér stendur nokkuð sérstaklega á. Hingað kemur
erlendur kennimaður (próf. Hallesby) til þess að halda
að þjóðinni boðskap í formum, sem okltur eru áberandi
andstæð.