Morgunn - 01.06.1937, Blaðsíða 54
48
MORGUNN
menn á liðnum tímum oft ónýtt sitt eigið verk, og vegna
áhuga síns á því að fá ósvikinn árangur, hafa þeir aftrað
einmitt þeim fyrirbrigðum, sem þeim var ant um að fram-
leiða. Eins er og þess að gæta, að margir sálarrannsókna-
menn hafa farið með miðlana eins og þeir væru einhver
sérstök tegund manna, sem stöðugt yrði að hafa vörð um,
til þess að uppgötva hin minstu merki um sviksemi. Þetta
atferli hefir líka aftrað fyrirbrigðunum.
Vér vitum nú, að hugurinn skiftir svo miklu máli,
þegar um fyrirbrigðin er að tefla. Það ættu sálarrann-
sóknamenn sérstaklega að varast, að láta miðlana finna
það — hvort sem í hlut á karl eða kona — að þeir séu
grunaðir eða vörður haldinn um þá. Þó að þetta atferli
við miðlana hafi verið alt of algengt, þá hafa þó verið
eftirtektarverðar undantekningar frá þeirri reglu. Eg
minnist þeirra yfirvenjulegra fyrirbrigða, sem þeir hafa
fengið Sir Oliver Lodge, Alfred Russel Wallace, Sir
William Crookes, Sir William Barrett, Dr. Crawford frá
Belfast, að því er til brezku eyjanna kemur, og Lombroso,
Richet, Bozzano og Schrenck-Notzing í útlöndum. í Canada
minnist eg hinna dásamlegu fyrirbrigða, sem fengust í
Winnipeg á fundum Dr. Glen Hamiltons, sem voru háðir
undir stranglega vísindalegum skilyrðum.
Þessir menn og margir aðrir hafa varpað Ijóma yfir
sálarrannsóknirnar, og hafa hjálpað til þess að hefja
spiritismann frá þeirri niðurlæging, að vera talinn hjátrú
upp í tign vísindanna. Það er vafamál, hvort þessu hefði
nokkuru sinni fengist framgengt, ef þessir menn, og aðrir
rannsóknamenn, hefðu ekki haldið uppi rannsóknum sín-
um undir stranglega vísindalegum skilyrðum, sem til-
finningunum var með öllu bægt frá.
Þetta er að segja um liðna tímann. Hvað er þá um
nútímann og ókomna tímann?
Nýlega hafa allmiklar uppgötvanir verið gerðar á-
hrærandi ljósmyndatöku í myrkri. Sá tími er nú um garð
genginn, er þörf var á að fara með miðla að einhverju