Saga - 2001, Síða 8

6
FORMÁLI
Sögufélag missti ötulan liðsmann á síðasta ári en þá lést Gunnar
Sveinsson skjalavörður. Hann var afkastamikill fræðimaður og gaf m.a.
út á vegum Sögufélags átta bindi af Alþingisbókum Islands. Þegar hann
lést var hann að vinna fyrir félagið að útgáfu á dómum yfirréttarins og
er það verk hugsað sem eins konar viðbót við Alþingisbækurnar.
Verkið var langt komið þegar Gunnar féll frá og standa vonir til að
hægt verði að ljúka því á næstu árum með góðra manna hjálp. Björk
Ingimundardóttir sagnfræðingur og skjalavörður minnist Gunnars í
þessu hefti en hún var náinn samstarfsmaður hans um árabil.
Að vanda eru fjölmargar umsagnir um bækur í ritinu. Síðustu árin
hefur það verið stefna ritstjórnar að láta ritdæma sem flest sagnfræðirit
sem út koma á hverju ári. Að þessu sinni er fjallað um 27 rit í 25 rit-
dómum
Undanfarna mánuði hefur talsverð umræða farið fram innan stjórnar
Sögufélags um nauðsyn þess að stokka upp útgáfuna á tímaritum
félagsins. Framhjá því verður ekki litið að útgáfa Nýrrar sögu hefur ekki
staðið undir þeim væntingum sem aðstandendur tímaritsins höfðu í
upphafi. Upphaflega markmiðið með útgáfunni var að gefa út aðgengi-
legt tímarit sem ætti greiðari aðgang að almennum lesendum en Saga.
Það gekk því miður ekki eftir, lítill munur hefur verið á framsetningu
og efni greina í Nýrri sögu og Sögu þannig að ritin hafa í raun höfðað til
sama lesendahóps. Ritstjórar Nýrrar sögu hafa stundum velt ástæðum
þessa fyrir sér og spurt sig hvort það geti verið að íslenskir
sagnfræðingar séu ekki nægilega meðvitaðir um mikilvægi þess að
skrifa á lifandi og aðgengilegan hátt fyrir almenning.
Einnig hefur verið nokkuð um að félagsmenn Sögufélags, jafnt
áhugamenn sem menntaðir sagnfræðingar, sýndu Nýrri sögu tómlæti
eða hefðu horn í síðu ritsins. Því hafa áskrifendur aldrei orðið eins
margir og þurfti til að ritið gæti gegnt upphaflegu hlutverki sínu og
nú er svo komið að umtalsvert tap er á útgáfunni. Við það verður ekki
unað og því ber brýna nauðsyn til að taka útgáfu tímaritanna til gagn-
gerrar endurskoðunar áður en langt um líður.
Nú í sumar verður breyting á ritstjórn tímarita Sögufélags. Sigurður
Ragnarsson sem hefur verið ritstjóri Sögu síðan 1981 og Nýrrar sögu
hin síðari ár lætur nú af störfum og vilja þeir sem eftir sitja af sam-
starfsmönnum hans í ritstjórn tímaritanna þakka honum ánægju-
legt samstarf og óska honum heilla á komandi árum. Það er Hrefna
Róbertsdóttir sagnfræðingur sem tekur sæti hans í ritstjórninni. Hrefna
starfaði lengst af á Arbæjarsafni en hefur á síðustu árum verið við
framhaldsnám í Svíþjóð. Væntir ritstjórn mikils af samstarfinu við
hana.