Saga - 2001, Side 148

146
MARGRÉT GESTSDÓTTIR
inda og fræða við samfélag og umhverfi á ýmsum tímum.
Menntamálaráðuneytið setti á oddinn við upphaf námskrár-
vinnunnar að nemendur ættu að öðlast sem besta þekkingu á
sögu og menningu lands og þjóðar og raunar umheimsins alls.
Talsmenn raungreina taka einnig undir þessi sjónarmið. I
skýrslu forvinnuhóps um náttúrufræði (bls. 52) er fjallað um
mikilvægi sögunnar til að sýna samhengi og þróun náttúruvís-
inda og í skýrslu um stærðfræði (bls. 57) er gert ráð fyrir al-
mermri menningarsögu á tungumálabraut þar sem hlutur
stærðfræðinnar megi ekki gleymast.17
Síðan er skýrt nánar hvaða söguáfanga nefndarmenn hugsuðu sér
á einstökum brautum. I bæklingi menntamálaráðuneytisins sem
út kom mánuði síðar var sami einingafjöldi ætlaður samfélags-
fræðum í kjama bóknámsbrautanna nema á félagsfræðabraut var
hann kominn niður í tuttugu og sjö einingar.18
Á fyrmefndum aðalfundi Félags sögukennara 18. apríl 1998
kynnti Þorsteinn Helgason skýrslu forvinnuhópsins og um hana
var rætt. Fram komu efasemdir um ágæti aukinnar sérhæfingar
og vilji til að standa myndarlega að söguáföngum á kjörsviðum
fyrst að útlit væri fyrir að saga yrði aðeins sex einingar í kjama.
Þetta er þó erfiðleikum háð fyrir litla skóla sem hafa ekki fé til að
hafa ótal spennandi áfanga á boðstólum og fá þannig nemendur
til að læra meiri sögu. Öllum var ljóst að um algera uppstokkun
yrði að ræða í sögunni, hún breyttist mjög í grunnskólanum og
yrði með allt öðm sniði í framhaldsskólanum. Það krefðist aug-
ljóslega nýs námsefnis í öllum áföngum og lýstu menn nokkrum
áhyggjum af því að þegar væri að verða of seint að bregðast við
þeirri þörf í tíma. Fundarmenn ræddu hvort menntamálaráðu-
neytið hygðist leggja fé í námsefnisgerð í sögu eða hvort fjár-
mögnvm yrði alfarið á hendi útgáfufyrirtækja. Einnig kom fram að
verið væri að ráða fólk til að skrifa sjálfa námskrána og áfanga-
lýsingar.
17 Sama heimild, bls. 52.
18 Enn betri skóli (apríl 1998), bls. 23.