Skagfirðingabók - 01.01.1982, Blaðsíða 38
SKAGFIRÐINGABÓK
Aftur á móti hafa karlmenn eigi um það að velja. Að vísu
hefur Sigurður Guðmundsson sagt fyrir um nýjan þjóðbúning
handa þeim, lagaðan eftir því, sem verið hafi í fyrri daga, en þó er
hætt við, að í þessari sveit haldist búningur karlmanna óbreyttur
fyrir það fyrsta.
í öðrum héruðum landsins er mér eigi svo kunnugt um
klæðaburð fólks, að ég geti jafnað þar við búning manna í þessari
sýslu, enda hygg ég hann svo svipaðan í nærsveitum, að torvelt
sé að segja, hverjir séu umfram aðra í þeirri grein. I Eyjafirði og
öðrum þeim héruðum, er reka verzlun á Akureyri, er klæði og
annar útlendur vefnaður meir hafður til fatnaðar, heldur en hér
um sveitir. Fyrir fáum árum var og orð á því gjört, að Þingey-
ingar bærust mikið á í klæðaburði.
ÁTTUNDI ÞÁTTUR.
Hversu margir sjóróðramenn scekja par að jafnaði fiskinn í aðrar
sýslur á vetrum og vorum, og hvert?
Á haustum er róið til fiskjar af Reykjaströnd og Höfðaströnd.
Að vorinu er fjöldi manna gjörður út til Drangeyjar, og þykir
það arðsöm vertíð. I aðrar sýslur fara menn því eigi til sjóróðra,
nema um vetrarvertíðina, og nálega aldrei annað en til Gull-
bringusýslu. Róa þeir að jafnaði á Innnesjum, Álftanesi og
Seltjarnarnesi, ellegar þá suður í Höfnum. Hafnamenn fara
fyrstir suður, skömmu eftir þrettánda, en aðrir sjaldan fyrr en á
þorra. Flestir snúa heimleiðis eftir vertíðarlokin, en stöku menn
róa einnig vorvertíðina og fara eigi norður fyrr en á lestum.
Fiskiver suður sækja menn aðeins úr byggðarlögunum vestan
Vatna, og eru þeir á að gizka nær 40 eður 50, er árlega fara
þangað til sjóróðra. Að öðru leyti eru eigi þær skýrslur fyrir
hendi, að tala sjóróðramanna verði nákvæmlega tiltekin.
36