Skírnir - 01.04.2001, Blaðsíða 110
104
GOTTSKÁLK Þ. JENSSON
SKÍRNIR
sem hann skildi eftir hjá Sibbern, tilvísun til rits nr. 17 sem ber tit-
ilinn De impostura Sveci cujusdam circa fabulam de Hialmtyr og
Olver, item varia diversis vocibus observata minoris tamen
momenti (Af sviksemi Svía nokkurs varðandi Hjálmþés sögu og
Olvis, einnig blandaðar athugasemdir varðandi ýmisleg orð, síður
mikilvægt). Svo virðist því sem sagan af falsaða rúnahandritinu sé
líka frá Jóni komin og að hann og enginn annar sé hinn lærði vin-
ur, doctus amicus, er Sibbern nefnir sem heimildarmann sinn. Þess
má geta að árið 1752 tók Jón Ólafsson úr Grunnavík kaflann um
rúnir í P.I. upp í heilu lagi sem „tillag“ við rit sitt um rúnir,
„Runologia" (AM 413 fol), en hann gætir þess að eigna nafna sín-
um ritið og hefur sennilega notað það með leyfi höfundar, sem þá
var einnig í Kaupmannahöfn.
Sagan af svikna rúnahandritinu í Svíþjóð er athyglisverð í
þessu samhengi af því að hún slær á sömu tilfinningastrengi, ótta
við fölsun og ómerkileg vinnubrögð, sem birtist skýrt í inngangi
Jóns að P.I. hér að ofan. Hún er skemmtileg af því að fölsunin er
gerð að fáránlegum pretti sem auðvelt er að koma upp um. En
raunveruleikinn í samskiptum Jóns og Sibberns var allt annar. Sá
fyrrnefndi var launaður skrifari hjá hinum síðarnefnda, og á þess-
um tíma gat það verið ásættanlegt að sá sem borgaði noti verk þess
sem fékk borgað sem eigin hugverk. En Jón var greinilega ekki
fyllilega sáttur við þetta. Hann hefur að vísu ekkert nema gott um
Sibbern að segja, en beinir þess í stað óánægju sinni að einhverjum
ímynduðum ritþjófi eða ólærðum útgefanda, þótt vinnubrögðum
og glæp þessa ímyndaða þrjóts sé lýst með orðum sem gætu, með
örlítið illkvittnislegri túlkun, átt við það hvernig Sibbern sjálfur
notaði skrif Jóns.
Næsti kafli í P.I., Qvinam præcipue ex Gente Islandica studiis
literariis insignes fuerint eða Hverjir úr hinni íslensku þjóð hafi
einkum verið frægir fyrir iðkun bókmennta (bls. 23-43), samsvar-
ar Sectio III eða De studiis Islandorum literariis in genere (bls.
197-226) í I.H.L.I. Af upphaflegu köflunum fjórum er þessi
lengstur, tæpar 30 síður í prentuðu útgáfunni frá 1760, og er því
verður sérstakrar athygli. Efnismeðferðin er allskipulögð og er hér
gerð grein fyrir íslenskum bókmenntum eftir greinum, eins og