Andvari - 01.01.2018, Side 32

ANDVARI ÁRMANN SNÆVARR 31
Verið brennandi í andanum, svo sem segir í helgri bók. En unnið yður jafn-
framt færis á að fást við sitt hvað annað en námsgrein yðar, sem gerir yður
að meiri mönnum, víðsýnni og skyggnari á fegurð og sönn verðmæti mann-
legs lífs. Njótið eftir föngum lista og fagurra bókmennta, og reynið að kynna
yður öndvegisrit íslenskra bókmennta. Minnist þess, að enn í dag „ornar fátt
betur / allri ætt vorri / en Egill og Snorri“. – Þér leggið nú á nýjar brautir.
Hyggið vel frá upphafi vega að lögmálum hins nýja náms, gætið þess vel, að
allt háskólanám er að verulegu leyti sjálfsnám og sjálfsþjálfun, sem reist er á
sjálfstæðum gagnrýnislegum vinnubrögðum, og um það allt eiga við orð, sem
höfð eru eftir breskum vísindamanni, að háskólanám sé fremur „thinking than
learning“. Ég brýni fyrir yður að einbeita kröftum yðar þegar frá upphafi að
námsverkefnunum. Háskólanám krefst einbeittrar vinnu, þreks og þolinmæði,
vandvirkni og kostgæfni. Gordíonshnútur háskólanámsins verður ekki leystur
Frá vígslu Háskólabíós á fimmtugsafmæli Háskóla Íslands 1961. Ármann
Snævarr háskólarektor tekur á móti Ásgeiri Ásgeirssyni forseta Íslands.