Andvari - 01.01.2018, Qupperneq 45

44 PÁLL SIGURÐSSON ANDVARI
Formaður fyrstu stjórnar Norræna hússins í Reykjavík 1965-1968 og síðan í
stjórn hússins til 1976.
Átti sæti í háskólanefnd 1966-1969.
Í mannanafnalaganefndum 1967-1970 og 1989-1990.
Í stjórn Háskólabíós 1970-1973.
Í kirkjulaganefnd frá 1973 um alllangt skeið.
Formaður stjórnar Dómarafélags Íslands 1977-1984.
Í stjórn Listasafns Einars Jónssonar frá 1979 og næstu árin, formaður frá 1990
í nokkur ár.
Formaður stjórnar Íslandsdeildar Letterstedtska sjóðsins frá 1980 og í allmörg
ár.
Formaður „lagahreinsunarnefndar“ (svokallaðrar) á vegum Alþingis 1985-
1990.
Forseti Rótarýklúbbs Reykjavíkur 1987-1988.
Í vísindasiðanefnd Læknafélags Íslands frá 1988 og í allnokkur ár.
Erlend samskipti
Eins og fyrr hefur verið getið um var Ármann Snævarr árum saman við
framhaldsnám erlendis á sínum yngri árum. En hann lét ekki þar við
sitja og hafði síðan alla tíð mikil og góð samskipti við erlenda fræði-
menn og ekki síður við laganema frá ýmsum þjóðlöndum. Samskiptin
við unga fólkið gáfu honum ekki síðri ánægju en fagleg skoðana-
skipti við kunna prófessora og aðra fræðimenn. Fyrir utan tengslin við
Norðurlöndin, þar sem hann var gagnkunnugur, átti Ármann löngum
fræða- og vináttutengsl við Þjóðverja, Skota og Bandaríkjamenn, auk
annarra. Hann var einn af fulltrúum Íslands í háskóla- og vísindanefnd
Evrópuráðsins 1961-1969.
Á samnorrænum vettvangi góðra kynna, þar sem fjölmargir þekktu
og virtu Ármann og félags- og fræðistörf hans, varð þessi litla vísa til:27
Alltid var man
glad i Ármann
denne snille kar ń.
Rot i Island
nordisk vismann
hjerte som et barn.