Goðasteinn - 01.09.1963, Side 12

aði. Þessir verzlunarmenn Bryde höfðu fæði og þjónustu á þessum
árum á bæjunum Norður- og Suður-Vík, og ég man eftir, að við
krakkarnir færðum þeim mat og kaffi. Var okkur þá vel tekið,
og fengum við æði oft sælgæti. Fyrsti verzlunarstjóri Bryde hér
var Anton Bjarnasen, og átti hann heima í Vestmannaeyjum eins
og fleiri, sem störfuðu við verzlunina.
Mörg skip komu til verzlunar Bryde og man ég eftir fjórum,
þeim Jason, Jóhönnu, Charlottu og Union. Allt voru þetta lítil
seglskip og sennilega hákarla- eða fiskiskip jafnframt. Alltaf
lögðust þau hér nokkuð djúpt og austarlega og var því örðugt
um afgreiðslu. Síðar fékk Bryde gufuskip, er hét ísafold. Kom
það hingað fyrstu ferð sína árið 1900. Mikil vinna var við upp-
skipun, og enda þótt launin væru ekki há, var vinnan samt sem
áður eftirsótt. Kaupið þokaðist líka upp smám saman.
Þá komu og fleiri verzlanir hér á þessum árum. Guðmundur
Isleifsson á Háeyri stofnsetti verzlun, er nefnd var Háeyrarbúðin.
Hún var sett of nærri sjónum og brotnaði í hafróti nokkrum
árum síðar. Þá var þeirri verzlun hætt, og hafði hún aðeins staðið
nokkur ár um og eftir aldamótin. Þorsteinn hreppstjóri í Norður-
Vík rak einnig verzlun um þessar mundir, en mun hafa hætt
árið 1908 eða því sem næst.
Félagshúsið stóð miklu hærra á sandinum en Háeyrarbúðin.
Á þessum árum var mikið tekið að skafa úr fjörunni og sjórinn að
ganga upp að húsunum, og hélt svo áfram, þar til Kötlugosið koin
1918 og færði mikið fram sandinn. Er nú miklu lengra að sjónum
en áður var. Það kom eitt sinn fyrir, að úr Félagshúsinu flutu
milli 10 og 20 flórmjölssekkir, er brimið braut það og sjórinn
fossaði inn.
Stokkseyrarfélagið verzlaði í Árnes- og Rangárvallasýslu og
einnig lítils háttar hér með vörur og sauðakaup, en það var hús-
laust. Fékk það að láni dálitla geymslu í Félagshúsinu, og veitti
Einar Brandsson á Reyni þar forstöðu. Gísli Stefánsson í Vest-
mannaeyjum rak og verzlun hér, en aðeins eitt ár, og hafði tii
afnota heyhlöðu í Norður-Vík fyrir starfsemi sína. Jes A. Gísla-
son stóð fyrir þeirri verzlun. Ekki taldi Gísli þetta hafa verið arð-
10
Coðasteinn