Goðasteinn - 01.09.1963, Side 33

sveitin sjálf hafði ekki nothæfa talstöð. Þarna var einnig mættur
hinn þrautreyndi vatna- og ferðamaður Brandur Stefánsson á
traustum bíl. Með honum voru nokkrir flugbjörgunarsveitarmenn.
Hugðust allir þessir menn aðstoða við björgunina, sem og þeir
gerðu með ráðum og dáð. I þessu kom einnig björgunarsveitin
með tækin.
Mikið dimmviðri var á, suðvestan stormur og rigning. Réðum
við nú ráðum okkar, og var ákveðið, að við feðgar færum fyrstir
á Rússajeppanum.
Allt gekk vel austur fyrir Múlakvíslargarð, en þá fór færð að
þyngjast. Engin kennileiti sáust á sandinum vegna snjóa og dimm-
viðris. Áttavitinn hafði orðið eftir heima, var því ekkert við að
styðjast nema vindáttina.
Ég hafði ákveðið að hefja leitina suður af vestra horni Hjör-
leifshöfða og halda svo austur fjöruna. Reyndi því að halda í
átt, sem ég hélt að væri suðaustur, en svo var dimmviðrið mikið,
að ekki grilltum við Höfðann, fyrr en við komum langt fram á
sand. Tvisvar misstum við jeppann niður og mokuðum, en fannst
ekki svo djúpt, að ástæða væri til að óttast um þá, sem á eftir
voru. Reyndar sáum við aldrei nema eitt ljós, en töldum það ekki
óeðlilegt í svona skyggni.
Þegar niður að ströndinni kom, sáust þar engin merki um
strand. Við staðnæmdumst og rýndum út í sortann.
Bráðlega kom í ljós, að það var snjóbíllinn, sem á eftir var.
Enginn hinna sást. Töldum við víst að þeir hefðu horfið frá
þessari leið og reynt á öðrum stað. Kom okkur saman um að
nota tímann, þangað til hinir kæmu, til að aka austur með og
skyggnast um eftir strandinu. Við ókum alla leið að Höfðakvísl
en urðum einskis varir. Nú fannst mér orðið ískyggilegt, að ekk-
ert skyldi sjást til þeirra sem á eftir voru.
Ég lét nú þá á snjóbílnum bíða þarna, en hélt upp að Höfða
á jeppanum til að svipast um eftir þeim.
Upp undir Hjörleifshöfða mættum við fyrsta bílnum og fengum
þær fregnir að strandið væri allmiklu austar. Hafði maður úr
Vík verið sendur á stórum trukk með skilaboðin. Aldrei heyrðist
neitt í talstöð rafstöðvarstjórans, enda varð hann fljótlega að
Goðasteinn
fi