Árbók Hins íslenzka fornleifafélags - 01.01.1957, Page 134

138
ÁRBÓK FORNLEIFAFÉLAGSINS
3. Þríblaðanæla úr bronsi, mesta haf 5,9 sm, Borróstíll, hrein-
ræktuð „norska gerð“, sem áður hefur fundizt hér á landi í
þremur eintökum. Aftan á nælunni er járnþorn með vefnaðar-
leifum, en á þriðju tungunni er lykkja með leifum af járnhring
litlum. Næla þessi hefur verið vönduð smíði og gyllt á yfir-
borði.
4. Steinasörvi með alls 52 tölum, en tvær þeirra eru mjög skadd-
aðar. Tvær eru úr bergkrystalli, og er önnur þeirra stærsta
tala sörvisins og hefur verið í því miðju, með fallega slípuðum
gárum umhverfis í sömu stefnu og gatið. Ein er rafi, en hinar
allar úr gleri, þar af tvær marglitar og með gárum, 5 fölgræn-
ar, 24 dökkbláar, þar af margar tvískiptar og nokkrar þrí-
skiptar, 10 gylltar, þar af margar tvískiptar og ein þrískipt,
8 silfraðar, þar af 6 tvískiptar. f heild er steinasörvi þetta
vandað og fallegt og tölurnar allar hreinræktaðar víkingaaldar-
tölur.
5. Hringprjónn úr bronsi, 9 sm að lengd, flatur efst og auga í
gegn, en þar fyrir neðan kemur ferstrendur kafli með innslegn-
um deplum, sem einnig ná nokkuð niður á sívalan prjóninn
fyrir neðan. Áður hafa fundizt í kumlum hér á landi tveir
hringprjónar, sem eru nauðalíkir þessum, frá Kroppi í Eyja-
firði og Hrísum í Svarfaðardal, og í Noregi eru þeir algengir,
c-gerð Jans Petersens (Kuml og haugfé, bls. 322). Brotið er
nú út úr auga prjónsins, en nokkur hluti hringsins hefur varð-
veitzt og er úr grönnum bronsþræði.
6. Armbaugur, snúinn saman úr tveimur bronsþráðum grönnum,
6—8,5 sm í þvm. Armbaugar eru sjaldgæfir í kumlum, og þetta
er fyrsta dæmið hér á landi. f gröf nr. 1083 í Bjarkey fannst
armbaugur, sem er líkur þessum, snúinn saman úr þremur
bronsþráðum (Birka I, Taf.110,3), og snúnir baugar ei’u vel
þekktir víða um víkingalönd, svo að þessi þarf enga undrun
að vekja, enda óvenjulega íburðarlaus.
7. Beltisspöng úr bronsi, ætluð til þess að leika á belti og bregða
lausum enda undir, sýnilega sams konar hlutur og Birka 1,
Taf.86,16a—b, þótt skrautverk sé öðruvísi. Það sem upp snýr
a spönginni frá Daðastöðum er þesslegt, að þar hafi verið inn-
iagt eitthvert forgengilegt efni á kafla í miðjunni, en út frá
til beggja enda eru mjög stílfærðir dýrshausar. Lengd spangar-
innar er 2,5 sm.