Eimreiðin - 01.01.1918, Page 16

16
LOCKSLEY HÖLL
[.Eimreiðin
Locksley höll.
(Locksley Hall)
Kvæði Tennysons, það sem prentað er hér að framan, er ein af ynd-
islegustu perlunum i Ijóðagerð heimsins. Viljum vér eigi láta hjá líða, að
benda mönnum á það, svo að síður komi fyrir að það skjótist hjá þeim.
Telur Eimreiðin það happ mikið, að hafa getað birt þetta gullfagra og
mikllfenglega kvæði, meistaralega þýtt af Ijóðhagasta skáldinu okkar
íslendinga. Er undur, hve vel þýðandanum hefir tekist að ná anda og
blæbrigðum frumkvæðising. Er það þó ekkert áhlaupaverk, enda mun
það hafa kostað meira en litla fyrirhöfn. En nú eigum vér líka yfirburða
þýðiugu af einu af fegurstu og mestu kvæðum heimsins. Og launin fyrir
skáldið? Já, við þekkjum nú skáldalaunin islensku og vitura, að þau eru
hvorki sraá né eftirtalin.
Locksley höll er árfærð 1853 í ljóðasafni Tennysons, því er eg hefi
við höndina. Er óþarft að fara um það mörgum orðum, þar sem sjón er
sögu ríkari. En það, sem ef til vill er aðdáanlegast við kvæðið, cru hin
sifeldu blæbrigði, svo að aldrei er unt að þreytast við lesturinn. Flestar
tilfinningar mannlegs lijarla brjótast þar fram, ástin, sorgin, heiftin, háð-
ið, íhugun og imyndunarafl, endurminningar og framtíðardraumar, en alt
er þó ofið inn i sömu umgerðina, svo að hvergi skeikar frá heildinni.
Og svo listfengin, orðvalið og orðaleikirnir.
En kvæðið verður að lesa oft. Það er unun að þvi við fyrsta lest-
ur, en þá fer það fyrst að ná manni á vald sitt, er maður fer að læra það.
Trúum vér því vart að margir geti svo farið að lesa kvæði þetta, að þeir
hætti fyrr en þeir fara ósjálfrátt að syngja hendingar þess í huga sér. Mun
það eiga eftir að veita fjölda manns m argar indælar nautnastundir, í hin-
um islenska búningi sinum.
M. J.