Eimreiðin - 01.01.1918, Page 114

[Eimreiðin
Freskó.
Saga eftir Ouida.
(Ouida hét réttu nafni Louise de la Ramée, en hefir jafnan ritað
nndir Ouida-nafninu. Hún fæddist á Englandi árið 1840 og ólst þar
upp, en faðir hennar var franskur. Hún fór snemma að rita, og valdi
sér yrkisefni sérstaklega úr lífi háaðalsins viðsvegar um Evrópu. Bjó
hún lengi í Flórenz á ítaliu og naut mikillar hylli konungsættarinnar
ítölsku. Annars var hún oftast á ferðalögum um álfuna. Hún dó ár-
ið 1908.
Bækur hennar eru ákaflega mikið lesnar og hafa verið þýddar á
fjölda tungumála. Hún er snillingur að sameina hvorttveggja, veru-
leikann og það æfintýralega, en það er þessi gáfa hennar, sem gerir
sögur hennar svo laðandi og vinsælar. Ýmsar af sögum hennar eru
heimsfrægar fyrir löngu, en það er eftir henni sjálfri haft, að engin
saga hafi verið sér jafn-hjartfólgin og saga sú, er hér birtist nú á
íslensku.
Til skýringar skal þess getið, að „freskó" er ein tegund málverka,
þannig gerð, að málað er með vatnslitum á rakan kalkvegg. Var þessi
tegund málaralistar mjög tíðkuð á miðöldunum, og enn er hún við lýði.
Þótti mér rétt að halda nafninu óbrjáluðu, þó að útlensku-keimur sé
nokkur að því.)
Greifinna Charterys, höllinni Milton Ernest, Berks, Eng-
landi, til háttvirts herra Hollys, við sendiherrasveitina í Róm,
ítaliu (Símskeyti) :
„16. júní 1881. — Útvegiö mér mann, til þess að skreyta dans-
salinn minn með málverkum."
Hr. Hollys símar greifinnu Charterys:
„Skýrið málið betur! Viljið þér að málað sé freskó, olía, lím,
litblý eða málað sé á tré eða hvað?“